30.5 C
Pontevedra
Martes, 5 de Xullo de 2022
Máis
    HomeÉ NoticiaCarmela Silva presenta as iniciativas da Deputación para cumprir co desenvolvemento sostible

    Carmela Silva presenta as iniciativas da Deputación para cumprir co desenvolvemento sostible

    A presidenta da Deputación mantivo en Madrid un encontro coa alta comisionada para a Axenda 2030 na que explicou o grao de implantación dos ODS nos programas provinciais

    A presidenta da Deputación de Pontevedra, Carmela Silva, mantivo unha reunión coa alta comisionada para a Axenda 2030, Cristina Gallard, para afondar no grao de implantación dos Obxectivos de Desenvolvemento Sostible nos programas postos en marcha pola institución provincial. Neste eido, Silva presentou os 158 programas postos en marcha para dar cumprimento aos 17 ODS impulsados pola ONU e abordou os retos de futuro para continuar nesta senda.

    Carmela Silva deu a coñecer a Gallard que a Deputación de Pontevedra, xunto a Badaxoz e Barcelona, son as tres primeiras deputacións provinciais de España en realizar estudos para afondar no grao de implantación dos ODS nos programas impulsados polos seus gobernos. Para Silva é fundamental “o enfoque local para ser global, abordando directamente as cuestións próximas onde existen problemáticas sinaladas polos ODS e traballando dende o local para transformar o mundo. Estamos construíndo a Pontevedra do futuro”.

    Deste xeito, tal e como deu a coñecer a presidenta provincial hoxe en Madrid, a Deputación está a abordar os 17 ODS marcados pola Axenda 2030 alcanzando 31 das metas definidas nos mesmos e para os que puxo xa en marcha 158 programas. O conxunto de programas, plans e proxectos postos en marcha pola Deputación, xunto coas alianzas establecidas con outras entidades públicas e privadas, alcanza un impacto global medio do 91%.

    Cristina Gallard valorou moi positivamente os esforzos realizados pola Deputación e comprometeuse a vir ata Pontevedra a coñecer os programas que está a desenvolver

    Máis polo miúdo, Silva presentou as iniciativas postas en marcha en cada un dos 17 ODS. En cinco deles (6 auga limpa e saneamento; 7 enerxía accesible e non contaminante; 14 vida submarina; 16 paz, xustiza e institucións sólidas; e 17 de alianzas para lograr os obxectivos) o grao de implantación é do 100%, en 2 deles supera o 90% (1 fin da pobreza e 2 fame cero) e está preto do 80% o ODS 13 de Acción polo clima.

    Ao respecto alta comisionada para a Axenda 2030, Cristina Gallard, amosouse “sorprendida positivamente” dos esforzos realizados pola Deputación de Pontevedra na implantación da Axenda 2030, especialmente con respecto aos programas Revitaliza e ás accións desenvolvidas no eido da Igualdade.

    Neste eido, Gallard destacou a exposición ‘Rompe. Xoga en Igualdade’ á que cualificou como unha “iniciativa a ter en conta para os actos de igualdade que deberían promover todas as administracións o ano próximo con motivo do vixésimo quinto aniversario da conferencia de Beijing”. Precisamente por estas razóns, Gallard comprometeuse coa presidenta provincial para vir ata Pontevedra a coñecer os programas que está a desenvolver o goberno de Carmela Silva en detalle.

    Finalmente, durante o encontro coa alta comisionada para a Axenda 2030, a presidenta provincial aproveitou para abordar os grandes retos provinciais na consecución da Axenda 2030. Neste eido centrouse na importancia de involucrar aos concellos e axentes sociais no cumprimento dos ODS, no liderado local para o cumprimento da Axenda e na redución das desigualdades como prioridade. Ademais, Silva amosou á Gallard a boa disposición do goberno da Deputación de Pontevedra para implantar todas as accións que se formulen na Comisión Nacional, que é o órgano de coordinación das administracións autonómicas e locais, para o cumprimento da Axenda 2030.

    COLABORACIÓNS

    ¡Hogueras de San Juan!

    Ha pasado la noche de San Juan y parece que todo vuelve a la normalidad. Si, porque se han vuelto a ver grupos de gente en las playas como si el virus no hubiera existido nunca. Me pregunto, si también será culpa de Rusia que el virus hubiera desparecido, porque ya todo el mundo está actuando como si nada. ¡Ah! espera, en los hospitales sigue habiendo gente ingresada con el covid y que todos los días sigue falleciendo enfermos a causa de esta enfermedad... pero ya no es noticia porque en la prensa apenas aparece en letra pequeña.

    Marilar Aleixandre, «Unha presa de terra»

    Se fai só algunhas semanas dabamos conta neste mesmo espazo dunha reedición ampliada da novela «Sobrevivindo», coa que Arantza Portabales gañara un coñecido premio de novela por entregas organizado por un xornal galego, o que hoxe traemos é un caso que semella calcado daquel.

    Nueva oportunidad para las aguas del río Tea

    Aprovechar nuestros recursos y sacar de ellos el mayor rendimiento posible es una estrategia de gestión que conviene seguir. De manera sencilla, se trata de potenciar aquello que ya tenemos, intentando hacerlo mejor y más atractivo, sin necesidad de comprar o importar elementos nuevos o extraños. Se trata de aplicar, por tanto, la eficiencia.

    Summer is coming

    Últimamente me está costando ser constante y escribir el último domingo de cada mes (aún gracias que ser puntual fue uno de los numerosos propósitos que me marqué para este 2022), así que os dejo el texto que correspondería al mes de mayo.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    13 POSTS0 COMMENTS
    Manrique Fernández
    66 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS