15.8 C
Pontevedra
Mércores, 18 de Maio de 2022
Máis
    HomeÉ NoticiaAreeiro insiste na necesidade de vixiar as viñas polo mildio e aconsella...

    Areeiro insiste na necesidade de vixiar as viñas polo mildio e aconsella renovar os tratamentos se aparecen novos síntomas

    O centro dependente da Deputación tamén advirte sobre a conveniencia de seguir revisando os buxos por se precisan un tratamento contra a bolboreta

    A Estación Fitopatolóxica Areeiro, centro dependente da Deputación de Pontevedra, vén de lanzar un novo aviso fitosanitario no que insiste nas súas anteriores recomendacións de continuar vixiando as viñas debido á situación de risco para o desenvolvemento do mildio.

    O persoal técnico do centro destaca que nas visitas realizadas a diversas viñas da rede de seguimento apenas se detectaron cambios con respecto á situación da pasada semana e que en xeral, todos os predios están protexidos por un tratamento. Pero incide no actual momento de risco de infección polo ciclo da viña e en que a situación climatolóxica cambiante que se produciu nesta última semana pode dar lugar a novos síntomas da enfermidade nos próximos días. Deste xeito, reitera a súa recomendación de revisar as viñas para ver si se detectan novas manchas ou síntomas no acio en formación, sobre todo se xa está próximo a finalizar o período de protección teórico da intervención anterior, en cuxo caso haberá que renovar o tratamento empregando un produto que conteña unha materia activa con efecto curativo.

    Síntomas de black rot nunha viña abandonada na zona do Condado. (Click para ampliar)

    Doutra banda, o persoal de Areeiro recibiu aviso da aparición de manchas de black rot en diversas viñas do Salnés, aínda que nas visitas realizadas a súa rede de seguimento e a aoytris predios detectouse só a enfermidade nunhas cepas abandonadas de Corzáns na comarca do Condado e tamén algún que outro síntoma illado na viña contigua. Neste caso, desde a Estación Fitopatolóxica sinalan que aínda que non hai funxicidas específicos fronte a este patóxeno, en caso de que se realice unha intervención anti-mildio pódese empregar un funxicida que tamén teña efecto fronte ao black rot, dado o difícil control do fungo responsable desta enfermidade se non se controla ben nas primeiras intervencións.

    Respecto a outros parasitos da viña, Areeiro advirte de que a presenza de caracois, ao igual que noutros cultivos e especialmente na horta, segue incrementándose. Tamén empezan a manifestarse síntomas de alteracións de madeira nalgunha viña.

    O aviso fitosanitario volveu referirse á bolboreta do buxo. Deste xeito, o persoal de Areeiro indicou que nas sebes revisadas en diferentes zonas apenas se observaron xa eirugas e de feito están a aparecer numerosos gromos novos. Pero aínda con estes datos, existe a posibilidade de que noutras sebes/plantas o ciclo vaia máis retrasado, polo que segue a ser conveniente continuar as revisións por se fora precisa unha nova aplicación

    Doutra banda, no caso da maceira, nas plantas revisadas esta semana atopáronse algúns gromos con oídio, os primeiros síntomas de moteado e tamén algunha colonia de pulgón cincento e verde, aínda que en todos os casos tratábase de síntomas pouco importantes.

    Por último, o aviso refírese aos cítricos. Areeiro sinala que as temperaturas destes días non son especialmente favorables á brotación, pero nos gromos que hai atopáronse algúns insectos chupadores, especialmente pulgóns e moscas brancas, e apenas psila africana.

    COLABORACIÓNS

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Brillante papel do CN Ponteareas nos campionatos de España de Torremolinos

    Torremolinos, en Málaga, foi a sede do XXII campionato de España “Open” Absoluto–XXXVIII Campionato de España júnior, que se disputou en piscina de 50 metros do 9 ao 13 de abril. O evento congregaba aos principais nadadores e nadadoras nacionais e foi retransmitido en directo pola canle Teledeporte.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    63 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS