18.2 C
Pontevedra
Luns, 17 de Xuño de 2024
Máis
    HomeÉ NoticiaA Xunta impulsa a comercialización de Artesanía de Galicia a través dun...

    A Xunta impulsa a comercialización de Artesanía de Galicia a través dun catálogo de Nadal

    A Fundación Artesanía de Galicia recolle nunha publicación online as propostas de 111 obradoiros da marca para fomentar as compras durante estas datas

    A Vicepresidencia segunda e Consellería de Economía, Empresa e Innovación impulsa a comercialización das pezas da marca Artesanía de Galicia durante este Nadal, a través dun catálogo de produtos elaborados por 111 obradoiros artesáns galegos e no que se inclúe información sobre os seus puntos de venda. A publicación, de carácter online, está dispoñible a través da web da Fundación Pública Artesanía de Galicia artesaniadegalicia.xunta.gal tanto para consulta como para descarga.

    Co lema Artesanía de Galicia. Talento para regalar, a Xunta anima a confiar na artesanía de proximidade, na economía circular, no talento artesán galego, no feito en Galicia e na calidade. Entre os oficios que están representados atópanse a cerámica e a olería, o traballo co coiro, o téxtil, a elaboración de redes, os arranxos florais, o calzado, o cartón pedra, a elaboración de zocos, a serigrafía, a encadernación, os instrumentos musicais, as figuras tradicionais de miga de pan, a cestería, a madeira, a elaboración de lámpadas, os xoguetes, a xoiería, a bixutería, o vidro, os complementos elaborados con cunchas e o traballo coa pedra.

    Na provincia de Pontevedra traballan os talleres Adanegra (A Guarda), AI Joyas de Autor (Vigo), Amorei (Soutomarior), Ana Castro (Silleda), Ana Méndez Cerámica (Pazos de Borbén), Apamp (Vigo), Areladefe (Oia), Artesanía Silvent (Caldas de Reis), Atalanta Madera (A Estrada), Bisutetoka (Vigo), Cabuxa (Tui), Cavalinho do Demo (Fornelos de Montes), Centro de Recuperación da Cultura Popular (Ponteareas), CerámicaQ (Gondomar), Coas mans artesanía (Silleda), CoIRaxe (Vigo), Coiro enxebre (Gondomar), Como Pez en el agua (Vigo),  Cuaderna Maestra (Pontecaldelas), Druida (A Estrada), Elena Ferro (Vila de Cruces), Fernando Porto (A Estrada), Gaitas Gil (Ponteareas), Joyas de papel (Nigrán), Joyería Covelo (O Porriño), Hiel de Buey (Vigo), Hollymara (Redondela), Las Flores de Greta (Gondomar), Leónlagata (Sanxenxo), LiaB (Sanxenxo), Mario López (Vigo), Mario Coiro (A Estrada), Mar Barral (Catoira), Marta Armada (Vigo), Misoco (Vigo), Montse Betanzos (O Grove), Muchachicha (Cerdedo-Cotobade), Ojea Studio (Vigo), Paseloqpase (Ribadumia),  Pilar Rodal (Vigo) e Zimzelatum (Gondomar) No tocante á provincia de Ourense, os obradoiros artesáns que participan neste catálogo son Aixiña (Ourense), Barreiros Artesanía (Nogueira de Ramuín), Eva María Muñoz Pablos (Barbadás), Inés Rir&Co (Allariz), La Aguada (Ribadavia), Lumecú (Vilar de Santos), Moura (Maceda), O Covil de Chus (Ourense) e Xabier Artesanal (O Pereiro de Aguiar).

    Os obradoiros que están a participar nesta iniciativa de fomento da comercialización do produto artesán galego da provincia da Coruña son Adria Florería (Brión), Almanac Studio (Cambre), Amorote (Ames), Ardentia (Bergondo), Arobe cerámica (A Coruña), Belategui Regueiro (Cambre), Boina Galega (Santiago de Compostela), Brigantia Orfebres (Santiago de Compostela), Bulideira (Santiago de Compostela), Carla Alfaia (A Coruña), Charamusca (Carnota), Conloquetengo (As Pontes), Fernando Gallego (Serra de Outes), Joyas Siliva (A Coruña), Kinga Haudek (Santiago de Compostela), Latonta y Larubia (Santiago de Compostela), Laura Delgado (Cambre), Laura Triñanes (Santiago de Compostela), Milena Colella (Santiago de Compostela), Noroeste Obradoiro (Santiago de Compostela), Degerónimo (Santiago de Compostela), Deica Creacións (Santiago de Compostela), D-Raíz (A Coruña), El Arce Imaginario (A Coruña), Esther Ferreiro (Santa Comba), Floriforma (Teo), FranFret (A Coruña), Ilex Talla (Santiago de Compostela), Ío Obradoiro Téxtil (Santiago de Compostela), Jatafarta (Santiago de Compostela), Jorge Bellón (Cedeira), Lorenzo Design (Santiago de Compostela), Maranxo (Muxía), Nacho Porto (Carnota), Oitenta (A Coruña), Olería Aparicio (Malpica de Bergantiños), Pablo Carpintero (Santiago de Compostela), Pedras Artesanía e Patrimonio (Rianxo), Redeiras Illa da Estrela (Ponteceso), Rosa Higuero (Cabanas), Silvereira (Ames), Tejeluz (Boiro), Unzueta Cerámica (Brión), Vacatola (Ferrol), Wooding (Boiro) e Xiana Cobo (Santiago de Compostela).

    Os representantes da provincia de Lugo neste catálogo de pezas de Artesanía de Galicia son Aldea Artesán de A Fraga (Xermade), Calzados Losal (Monforte de Lemos), Crisol (Viveiro), Enxógate (Quiroga), Fusaiola (Vilalba), Idoia Cuesta (Outeiro de Rei), La Bellota Mágica (Lugo), Milbrumas (Lugo), Pilar Cupeiro (Cospeito), Santiago Besteiro (Monterroso), Regal Cerámica (Viveiro), Taller Patapúm (Quiroga), Teresa Lamela (Monforte de Lemos), Tres Caracoles (Lugo).

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.