12.4 C
Pontevedra
Venres, 24 de Marzo de 2023
Máis
    HomeÉ NoticiaA Deputación súmase á campaña internacional 'BreathLife', Respira a Vida

    A Deputación súmase á campaña internacional ‘BreathLife’, Respira a Vida

    A Deputación de Pontevedra adheriuse á campaña da Organización Mundial da Saúde, Nacións Unidas e a Coalición Clima e Aire Limpo que se coñece internacionalmente como ‘BreathLife’ e que en España denominouse ‘Respira a Vida’. A entidade que preside Carmela Silva convértese, deste xeito, na terceira representante institucional española en sumarse a un proxecto no que, a día de hoxe, só participan o País Vasco e Cataluña.

    E para elo asume os obxectivos da campaña: involucrarse no cumprimento das directrices da OMS sobre calidade do aire para o ano 2030, reducir á metade o número de mortes relacionadas coa contaminación atmosférica no ano 2030 e reducir o ritmo do cambio climático en 0,5 graos para o ano 2050.

    A iniciativa ‘BreathLife’ foi presentada hoxe por Carmela Silva, acompañada da deputada delegada de Transición Ecolóxica, Medio Ambiente, Arquitectura e Proxectos Europeos, Iria Lamas. Silva destacou que a contaminación atmosférica, “o asasino invisible”, causa 7 millóns de mortes ao ano no mundo e 10.000 en España, “máis que os accidentes de tráfico”.

    Fixo, por tanto, un chamado á concienciación da sociedade contra unha lacra que ataca especialmente ás persoas maiores e tamén ás máis cativas: “ás avoas e avós; ás netas e netos con asma”. “Somos unha institución que se compromete coa vida da xente e que, dende o local, quere ser actor protagonista”, remarcou.

    A Deputación de Pontevedra ten fixado para este novo mandato municipal como unha das súas liñas transversais o medio ambiente cara a transición ecolóxica, polo que esta iniciativa encaixa perfectamente na súa “folla de ruta” e nos intereses xerais da provincia.

    Segue os pasos do País Vasco e Cataluña integrándose na iniciativa que parte da OMS, da ONU e da Coalición Clima e Aire Limpo para loitar contra “o asasino invisible”: a contaminación atmosférica

    Carmela Silva subliñou tamén que a participación neste proxecto internacional contribúe a situar á Deputación nunha posición máis competitiva para captar fondos europeos no marco da Axenda Urbana 2030.

    As medidas clave a desenvolver pola Deputación no marco do pacto “BreathLife” encádranse no sector do Transporte, Xestión de Residuos, Abastecemento de Enerxía e Alimentación e van ter un impacto directo9 positivo en sectores estratéxicos como o turismo ou o sector primario (vitivinícola e agrario).

    No eido do Transporte xa están en marcha medidas como o Plan Móvese para reducir a velocidade en zonas urbanas ou o Plan DepoRemse para incrementar a seguridade viaria en centros de elevada atracción urbana. Na Xestión de Residuos, a Deputación continúa impulsando o Plan Revitaliza, que converteu á provincia nun referente na aposta pola compostaxe dos residuos sólidos urbanos, ou Proxecto ESTRAEE, para a xestión de aparellos eléctricos electrónicos, financiada polo programa operativo Interreg POCTEP España-Portugal dos fondos Feder.

    Amais, presentou proxectos para captar fondos Life (Programa de Medio Ambiente e Acción polo Clima 2014-2020) para poñer en marcha as iniciativas Life CircWEEE (recuperación de residuos de equipos eléctricos, electrónicos, baterías, acumuladores e compoñentes) e Life DeAgua (tratamentos de augas residuais mediante sistemas naturais en zonas rurais).

    No ámbito do Abastecemento de Enerxía, xa están en marcha cinco liñas de apoio aos concellos para o cambio da súa iluminación exterior á tecnoloxía led (programa operativo Feder de Crecemento Sustentable 2014-2020), así como outra liña para a iluminación sostible dos elementos catalogados como Bens de Interese Cultural e un programa de substitución de caldeiras de gasóleo por equipos de biomasa.

    Finalmente, no sector da Alimentación e Agricultura, a Deputación impulsa convenios para a redución do uso de pesticidas no ámbito do cultivo da mazá e a produción de leite ecolóxico. Tamén desenvolve o proxecto DepoVerde para producións hortofrutícolas e apícolas en espazos naturais protexidos, o proxecto DepoApicultura para o fomento da apicultura sustentable e o DepoFroitos, para o cultivo ecolóxico de froitos de bosque.

    Os programas SICOM (encadrado no proxecto europeo Life Viñas Atlánticas) para reducir os fitosanitarios, o estudo e asesoramento sobre o impacto do cambio climático no sector vinícola, o desenvolvemento de sistemas de teledetección para o cálculo das áreas afectadas por incendios forestais, os estudos para a mellora forestal e a creación dos parques forestais, completan as actuacións neste ámbito.

    COLABORACIÓNS

    Miguel Sande, «Brinde e desespero»

    Miguel Sande está a presentar o seu novo poemario, «Brinde e desespero», co que recentemente acadou o XXV Premio Johan Carballeira. Xa falamos noutras ocasións neste mesmo espazo de como se están a diluír a cotío as xa febles liñas que separan os distintos xéneros literarios. «Brinde e desespero» é unha proba máis pois, a pesar da súa inequívoca cadencia lírica, Sande xoga a brincar con habilidade sobre as lindes da poesía para adentrarse no terreo da narrativa e darlle forma a unha prosa poética ben particular.

    Arantza Portabales, «O home que matou a Antía Morgade»

    Abad e Barroso chegaron un día para quedar, para alternar con Leo Caldas, Frank Soutelo e algúns dos outros detectives de referencia da literatura galega dos últimos anos.

    “Nigeria 70”, una trilogía para escuchar

    El Sello inglés Strut nace a finales de los 90. En el año 2008 es adquirido por el Sello !K7 Music, con sede en Berlín, Londres y Nueva York. Strut tiene como misión desenterrar las joyas perdidas del pasado de la música de baile.

    Xosé Monteagudo, «Vémonos mañá»

    Realidade e ficción conflúen na última proposta narrativa de Xosé Monteagudo, «Vémonos mañá», na que presenta o que poderiamos considerar unha dupla biografía novelada.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    81 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS