15.3 C
Pontevedra
Venres, 14 de Xuño de 2024
Máis
    HomeÉ NoticiaA Deputación lanza un novo libro, 'O pasado por vir II. Un...

    A Deputación lanza un novo libro, ‘O pasado por vir II. Un tempo posible’

    A presentación será o vindeiro mércores 3 de maio ás 19.30 horas

    A Deputación de Pontevedra, a través do seu departamento de Memoria Histórica, vén de publicar ‘O pasado por vir II. Un tempo posible’, un novo libro que recolle proxectos de progreso desenvolvidos en Galicia de principios do século XX, pero truncados polo golpe do 1936. A publicación inclúe artigos sobre a Misión Biolóxica, Zeltia, Cerámicas Celta, Os fillos do Sol, a arte, o cinema, a Unión de Mulleres Antifascistas de Vigo e escritos sobre figuras relevantes como Urania Mella ou Alejandro Viana, entre outras. A presentación, aberta ao público, será o vindeiro mércores 3 de maio ás 19.30 horas.

    ‘O pasado por vir II. Un tempo posible’ pretende ser a segunda parte da publicación ‘O Pasado Por Vir. Achegas á historia da Pontevedra que desbotou o franquismo’, editado a mediados de 2021 con artigos que falaban sobre a loita sindical, a agraria, o xurdimento do nacionalismo, a aposta polo ensino ou a incursión da muller no deporte e ao seu protagonismo na propia recuperación da memoria.

    A publicación actual, que se distribuirá nas bibliotecas e puntos de lectura municipais e se entregará de balde ás asociacións de memoria, supón “afinar un pouco máis a imaxe e pousar o obxectivo sobre proxectos concretos, algúns xa enxergados naquel primeiro debuxo de trazo groso”, asegura a deputada de Memoria María Ortega. Así, a nova entrega convida a percorrer a Misión Biolóxica coa rapazada de Ultreia, a saber máis a fábrica de Cerámicas Celta, a coñecer ‘Os fillos do Sol’ ou a achegarse a biografías senlleiras como as de Oria Moreno, Alonso Ríos, Urania Mella ou Alejandro Viana, entre outras.

    As persoas responsables dos artigos , que comparten no libro anos de investigación e escritos feitos especificamente para a publicación afondando en cuestións das que apenas existía bibliografía, son Miriam Miguélez González, David Rodríguez Rodríguez, Roberto Mera Covas, Mila Bouzón Castroagudín, Natalia Jorge Pereira, Concepción López Sánchez, Xaime Toxo, Francisco R. Pastoriza, Arturo S. Cidrás, Montse Fajardo Pérez, Margarita Ledo Andión e María Ángeles Tilve Jar.

    A presentación do libro, coa presenza das persoas autoras Margarita Ledo e Xaime Toxo, e a actuación musical de MJ Pérez, terá lugar no Pazo Provincial en Pontevedra o vindeiro mércores día 3 de maio ás 19.30 horas. Para asistir é preciso inscribirse en memoriahistorica@depo.gal.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.