14.7 C
Pontevedra
Martes, 27 de Setembro de 2022
Máis
    HomeÉ NoticiaA Deputación cofinanciará os servizos sociais comunitarios municipais dos concellos de menos...

    A Deputación cofinanciará os servizos sociais comunitarios municipais dos concellos de menos de 20.000 habitantes

    O plan inclúe o Servizo de Axuda no Fogar (SAF) e a contratación de persoal dos Servizos Sociais dos 51 concellos beneficiados na provincia

    A Deputación de Pontevedra mobiliza este 2022 preto de 2,5 millóns de euros (2.481.074 €)  parao Plan de Cofinanciamento dos Servizos Sociais Comunitarios Municipais dos  51 concellos de menos de 20.000 habitantes. A Xunta de Goberno vén de aprobar hoxe as bases deste plan, que asigna 1,2 millóns de euros (1.254.750 €)  para sufragar a prestación directa do Servizo de Axuda no Fogar nos domicilios por parte de persoal especializado, e outros 1,2 millóns (1.226.324 €) para cubrir os custos do persoal dos Servizos Sociais Comunitarios, a fin de garantir unha prestación pública de calidade neste ámbito.

    A presidenta Carmela Silva, subliñou que a principal novidade neste 2022 estará no apartado do persoal, no que a Deputación estenderá o financiamento do perfil da persoa auxiliar administrativa a todos os concellos, “contribuíndo así a axilizar os procesos administrativos dos Servizos Sociais Comunitarios que se atopan desbordados, moito máis agora que aínda estamos a sufrir a Covid e as súas consecuencias”. Esta modificación beneficia aos concellos de Arbo, As Neves, Crecente, Cuntis, Meis, O Rosal, Pontecesures, Portas, Rodeiro e Vilaboa, que suman un total de 60.145 € a maiores na súa asignación. “Fomos aumentando cada ano os recursos e agora todos os concellos van contar con este perfil”, destacou.

    Carmela Silva cualificou o  Servizo de Axuda no Fogar  (SAF)  como “fundamental” e lembrou que atende a persoas maiores con déficits de autonomía e a persoas con discapacidade, especialmente no caso de que carezan de apoio persoal no seu medio inmediato. No caso do coste do persoal, finánciase a contratación de persoas traballadoras administrativas e tituladas medias e superiores dos Servizos Sociais Comunitarios destes concellos, entre os que se inclúen os profesionais do Servizo de Educación e Apoio Familiar.

    Investimento por comarcas

    No Plan de Cofinanciamento dos Servizos Comunitarios Municipais, a comarca da Paradanta ten asignados neste 2022 un total de 178.704 €, que se reparten da seguinte forma: Arbo (50.566 €), A Cañiza (55.846 €), Covelo (36.387 €) e Crecente (35.904 €). No caso do Condado, recibirá 168.434,91 euros, distribuídos do seguinte xeito: Mondariz (56.079,21 €), Mondariz-Balneario (22.697,20 €), As Neves (36.733,21 €), e Salvaterra (52.925,29 €). Por outra banda, o Baixo Miño percibirá 258.061,15€, dos que A Guarda recibirá 59.866 €; Oia 25.541 €; O Rosal, 33.861 €; Tomiño, 59.042 €, e Tui 79.750 €.

    Val Miñor ten consignados 188.350 euros, que se repartirán entre Baiona (51.310 €), Gondomar (56.446 €) e Nigrán (80.594 €), mentres que o investimento en Deza acada os 254.598 €, con Agolada  (50.633 €), Dozón (41.867 €), Rodeiro (32.899 €), Silleda (68.354 €) e Vila de Cruces (60.844€). E Tabeirós-Terra de Montes recibirá 113.634, dos que Cerdedo-Cotobade ten asignados 59.534 € e Forcarei 54.099 €.

    A comarca de Vigo percibirá 221.937 €, dos que Fornelos terá 26.395 €; Mos, 80.864 €; Pazos de Borbén, 24.094 €; Salceda, 60.088,86 € e Soutomaior, 30.494 €. No caso do Morrazo, ten asignados 132.745 €, dos que Bueu recibirá 51.786 €, e Moaña 80.959 €.

    A comarca do Salnés ten consignados 526.165 €, repartidos do seguinte xeito: Cambados (54.670 €), Catoira (21.337 €), O Grove (65.235 €), A Illa (28.521 €), Meaño (55.042 €), Meis (37.239 €), Pontecesures (27.681 €), Ribadumia (29.296 €), Sanxenxo (80.264 €), Valga (43.939 €) e Vilanova (82.939 €).

    Finalmente, a comarca de Pontevedra recibirá 438.444 €: Barro (39.097 €), Caldas (50.907 €), Campo Lameiro (27.328 €), Cuntis (47.535 €), A Lama (41.345 €), Moraña (23.577 €), Poio (92.756 €), Ponte Caldelas (52.946 €), Portas (35.821 €) e Vilaboa (27.130 €).

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS