13.7 C
Pontevedra
Sábado, 18 de Maio de 2024
Máis
    HomeVal MiñorNigránUltimas prazas para a excursión á estación de Alto Campoo que organiza...

    Ultimas prazas para a excursión á estación de Alto Campoo que organiza o Concello de Nigrán

    O prazo de inscrición amplíase ata o luns 24 de febreiro. O prezo é de 125 € para nenos e 160 € para adultos e inclúe transporte, dúas noites de hotel, comidas e forfait con seguro

    O Concello de Nigrán organiza por segundo ano consecutivo unha excursión á estación de esquí de Alto Campoo (Cantabria) do 6 ao 8 de marzo e cuxo prazo de inscrición se amplía ata o luns 24 de febreiro (oficina de Información Cidadá do Concello de Nigrán de 9:00 h a 14:00 horas).

    O prezo é de 125 € para nenos de ata 12 anos e 160 € para adultos; este inclúe transporte en autobús, dúas noites en hotel de tres estrelas, almorzo e ceas no hotel, comidas a pé de pista e dous días de forfait con seguro. De xeito opcional ofrécense clases de esquí (32 €) e aluguer do equipo (nenos 26 € e adultos 38 €).

    A saída é en autoús dende a Casa do Concello de Nigrán o día 6 ás 16:30 horas e consta de chegada a Alto Campoo, reparto de habitacións e cea; o día 7 almorzo, esquí, comida a pé de pista excursión de tarde, regreso ao hotel e cea e día 8; almorzo, mañá de esquí, comida a pé de pista e regreso a Nigrán con hora prevista de chegada ás 22:00 horas.

    Situada no vértice xeográfico do Val de Campoo, a estación ofrece unhas magníficas instalacións para a práctica do esquí e unha paisaxe inigualable para os amantes da montaña. A estación de esquí e montaña de Alto Campoo, con cumes que superan os 2.200 metros e con rutas como a de Pico Tres Mares, está considerada unha das mellores do cantábrico.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.