16.5 C
Pontevedra
Mércores, 22 de Maio de 2024
Máis
    HomeVal MiñorNigránO Concello de Nigrán inicia en Chandebrito o curso «Cultiva a mente»

    O Concello de Nigrán inicia en Chandebrito o curso «Cultiva a mente»

    O programa municipal de prevención do deterioro cognitivo arrancou este mércores coa totalidade das 15 prazas cubertas

    O Concello de Nigrán, coa colaboración da Asociación de Veciños ‘O Castro’, iniciou esta semana en Chandebrito o programa de prevención do deterioro cognitivo ‘Cultiva a mente’ coa totalidade das 15 prazas cubertas (hai 4 en lista de agarda). O obxectivo do Concello é descentralizar este programa de envellecemento saudable achegándoo ás parroquias, desenvolvéndose en Chandebrito de xeito piloto ao ser a zona máis afastada do núcleo urbano e contar con gran proporción de poboación de idade. Así o explicou na presentación o rexedor, Juan González, e a edil de Terceira Idade, María Mayán.

    O programa, que desenvolven especialistas de AFAGA (Asociación de Familiares de Enfermos de Alzheimer e outras Demencias de Galicia), ten lugar todos os mércores de 18:00 a 20:00 horas no local veciñal e está dirixido a maiores de 55 sen deterioro cognitivo e interesadas precisamente na prevención do mesmo e no envellecemento activo.

    Este auténtico ‘ximnasio mental’ busca previr a demencia e promover hábitos de vida saudables a nivel cognitivo e emocional. Os participantes teñen un rol activo atendéndose ás súas preocupacións e necesidades, facilitándolles unhas mellores relacións sociais e a prevención da soidade, así como a independencia e a autonomía persoal. Así, trabállase a atención, a memoria, as funcións executivas, a percepción, a orientación, a linguaxe e o cálculo.

    O Concello de Nigrán desenvolve en Panxón dende o ano 2016 este programa nas instalacións do CPI e tamén con persoas en lista de agarda, polo que se consideru importante ampliar o servizo a outros núcleos.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.