15.5 C
Pontevedra
Sábado, 22 de Xuño de 2024
Máis
    HomeVal MiñorNigránO CB Nigrán presenta os seus equipos para a nova tempada

    O CB Nigrán presenta os seus equipos para a nova tempada

    O sábado 5 de outubro, ás 18 horas, presentaránse os 11 equipos do club de Nigrán que competirá, na tempada 2019/2020 en todas as categorías, dende a baby ata a sénior

    O Club Baloncesto Nigrán celebrará o vindeiro sábado, 5 de outubro ás 18 horas e no pavillón de Panxón, aos equipos para a nova tempada 2019/2020. O club de Nigrán presentará un total de 11 equipos que participarán en todas as categorías, dende a baby ata a sénior.

    É unha auténtica festa do deporte que, segundo sinala o propio C.B. Nigrán “é o pistoletazo de saída para que os equipos comecen as súas respectivas competicións” trala disputa, nestas últimas semanas, dos partidos amistosos de pretempada que de cara a ‘afinar’ os cadros organizou a dirección deportiva do club que encabeza Nuria Gómez.

    Ao acto están invitadas as diferentes entidades sociais, culturais, deportivas e educativas de Nigrán, así como diferentes responsables políticos.

    E logo, nada mellor que rematar a festa cun bo partido de baloncesto, xa que o equipo Senior masculino, campión de liga da pasada tempada, disputará o seu primeiro encontro ligueiro contra o CB Puerto de Vigo.

    Remata o verán, as cousas volven á normalidade e volve o baloncesto ás canchas. Comeza o espctáculo!

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.