O gran mestre internacional Madhana, pioneiro na práctica do Ioga en España, introductor en Galicia e fundador e director do Centro Sananda en Vigo, repite este mércores 26 de Xullo as 20:30 horas as sesións de ‘Ioga no Solpor’ organizadas polo Concello de Nigrán na praia de Patos (na propia area, ao carón do posto de Protección Civil). As seguintes citas serán os mércores 2 e 23 de Agosto, respectivamente, sempre ás 20:30. A primeira delas tivo lugar o pasado venres 21 de Xullo con centos de asistentes que, como o verán pasado, conxugaron a beleza e a harmonía deste areal co benestar físico e mental que proporciona o ioga e a meditación.
O célebre yogui realizará unha demostración e posterior clase iniciática gratuíta aberta a toda aquela persoa que desexe participar, non sendo preciso inscribirse previamente, tan só presentarse cunha toalla ou esterilla, botella de auga e protección solar.
