14.3 C
Pontevedra
Mércores, 22 de Maio de 2024
Máis
    HomeVal MiñorNigránNigrán retoma o programa de maiores «Coñecendo a pé a nosa contorna»

    Nigrán retoma o programa de maiores «Coñecendo a pé a nosa contorna»

    A andaina percorrerá o treito do Camiño Portugués pola Cosa entre a Ramallosa e Panxón. O Concello disporá dun autobús gratuíto para o regreso e a saída será dende a ponte romana da Ramallosa ás 9:30 horas.

    O Concello de Nigrán retoma este xoves 5 de decembro o seu programa destinado aos maiores do municipio ‘Coñecendo a pé a nosa contorna’ cunha andaina polo camiño portugués pola costa dende A Ramallosa a Panxón na que, nesta ocasión, participarán alumnos do CEE de Panxón co obxectivo de que sexa unha actividade interxeracional. Este programa de lecer municipal está deseñado para promocionar o exercicio físico e a socialización entre a xente de idade, dúas cuestións fundamentais para manter unha vida saudable.

    O Concello disporá dun autobús gratuito para o regreso a A Ramallosa e os interesados en participar deberán presentarse ás 9:30 horas (non é preciso inscrición previa) na ponte romana, onde rematará a andaina sobre as 12:00 horas. A duración aproximada será dunhas 2,5 horas e a dificultade é baixa. A actvidade incluirá visita ao Templo Votivo de Panxón e rematará cunha chocolatada ofrecida polo CEE de Panxón nas súas instalacións. Recoméndase levar roupa e calzado axeitado e auga.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.