18.5 C
Pontevedra
Mércores, 6 de Xullo de 2022
Máis
    HomeVal MiñorNigránNigrán colabora coa cervexeira local 'Trisk-Ale/Banda' para promover o municipio en España

    Nigrán colabora coa cervexeira local ‘Trisk-Ale/Banda’ para promover o municipio en España

    A firma con sede en Porto do Molle e fabricante da cervexa ‘Nigrán, Equilibrio Natural’ está a participar en feiras de degustación en todo o país con esta marca e produtos de merchandising do Concello

    O Concello de Nigrán está a promover turísticamente o municipio en todo o país grazas á cervexeira local ‘Trisk-Ale/Banda’, fabricante da marca ‘Nigrán, Equilibrio natural’ e que neste ano participa en feiras de todo o país con merchandising do Concello. A firma dos irmáns Toledano, con sede no parque empresarial Porto do Molle, ten á venda nestes eventos a cervexa promocional de Nigrán (xunto a outras marcas súas como ‘Summer Papa’ ou ‘Caravan Larger’) e ao mesmo tempo ofrece guías turísticas da localidade a todo aquel interesado en coñecer máis sobre o noso municipio. Así, ao longo do mes de maio participaron en eventos en Albobendas e Las Rozas e desde mañá estarán en Torrejón de Ardoz (todos en Madrid); os vindeiros meses estarán presentes en todo o noroeste peninsular e en setembro regresarán a diferentes feiras de cervexas artesanas na comunidade de Madrid e Guadalajara.

    “Estamos moi orgullosos de que dous veciños de Nigrán novos e emprendedores sexan os embaixadores do noso municipio no exterior grazas precisamente ao produto que eles mesmos fabrican localmente e que en cada etiqueta e en cada sorbo fala da nosa localidade”, subliña o alcalde, Juan González, quen incide en que “entregar guias turísticas aos pontenciais visitantes interesados é un pao máis na mesma liña”.

    Así, o propio etiquetado de cada botella reza o seguinte: «Nigrán ten equilibrio natural. A hipnótica cor brillante dos solpores ámbar de Monteferro, o son fuxitivo da escuma das ondas rachando embravecidas en Patos ou o fascinante recendo floral ao camiñar por carreiros forestais máxicos. Vivencias ledas e sensacións de agradábel frescor son a esencia desta cervexa, o demais é para descubrir paseniñamente, gozando de cada un dos sorbos que ofrece Nigrán». Consecuentemente, e encaixando á perfección nesta descrición, trátase dunha cervexa rubia, con cor dourado claro, vidrada e brillante, escuma crema densa e consistente e aroma a malta equilibrada con lúpulo de carácter floral e cítrico, o que outorga ese retrogusto; ten corpo e o seu paso por boca resulta sedoso e, por elo, fácil de beber; adicionalmente, os sabores a maltas recordan ao pan e o lúpulo outorga un amargor suave con notas a mandarina.

    “A elaboración resume o que é Nigrán desde o punto de vista paisaxístico, un municipio onde non hai que elixir entre praia ou montaña para gozar da natureza; e tamén porque contén o carácter dunha localidade hospitalaria onde ninguén se sinte de fora nin queda excluído”, inciden os seus fabricantes.

    Banda

    A finais do ano pasado, a firma dos irmáns Toledano deu un paso máis na súa andaina empresarial ao embarcarse en ‘Banda’, un proxecto máis ambicioso e 100 % ‘made in Nigrán’ que supuxo un investimento de 600.000 € na nova nave en Porto do Molle (rúa do Labrego, 22, Nave 5 E). O obxectivo é fabricar entre 20 e 25 tipos de cervexas ao ano e asentarse como a bebida de toda a comarca para a partir de aí expandirse ao resto da comunidade. Esta instalación, de máis de 1.100 metros cadrados, permítelles pasar de poder fabricar 50.000 litros a un máximo de 1,5 millóns anuais, centralizando aquí toda a produción (antes estaba diseminada por diferentes puntos de toda España). A nave, con horario de atención ao público de luns a venres de 11:30 a 19:00, ten zona de venda directa, de degustación e unha sala para exposicións. Ademais, regalan o bagazo de cereais resultante da fabricación a todo aquel que se achegue a buscar (é especialmente idóneo para compostaxe e alimentación de animais).

    COLABORACIÓNS

    ¡Hogueras de San Juan!

    Ha pasado la noche de San Juan y parece que todo vuelve a la normalidad. Si, porque se han vuelto a ver grupos de gente en las playas como si el virus no hubiera existido nunca. Me pregunto, si también será culpa de Rusia que el virus hubiera desparecido, porque ya todo el mundo está actuando como si nada. ¡Ah! espera, en los hospitales sigue habiendo gente ingresada con el covid y que todos los días sigue falleciendo enfermos a causa de esta enfermedad... pero ya no es noticia porque en la prensa apenas aparece en letra pequeña.

    Marilar Aleixandre, «Unha presa de terra»

    Se fai só algunhas semanas dabamos conta neste mesmo espazo dunha reedición ampliada da novela «Sobrevivindo», coa que Arantza Portabales gañara un coñecido premio de novela por entregas organizado por un xornal galego, o que hoxe traemos é un caso que semella calcado daquel.

    Nueva oportunidad para las aguas del río Tea

    Aprovechar nuestros recursos y sacar de ellos el mayor rendimiento posible es una estrategia de gestión que conviene seguir. De manera sencilla, se trata de potenciar aquello que ya tenemos, intentando hacerlo mejor y más atractivo, sin necesidad de comprar o importar elementos nuevos o extraños. Se trata de aplicar, por tanto, la eficiencia.

    Summer is coming

    Últimamente me está costando ser constante y escribir el último domingo de cada mes (aún gracias que ser puntual fue uno de los numerosos propósitos que me marqué para este 2022), así que os dejo el texto que correspondería al mes de mayo.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    13 POSTS0 COMMENTS
    Manrique Fernández
    66 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS