18.9 C
Pontevedra
Luns, 27 de Setembro de 2021
Máis
    HomeVal MiñorNigránNigrán aproba, por unanimidade, a modificación das Normas Susidiarias

    Nigrán aproba, por unanimidade, a modificación das Normas Susidiarias

    O Pleno tamén aprobou por unanimidade o inventario de vías públicas, que unha vez publicado no BOP estará en periodo de exposición durante dous meses

    O Concello de Nigrán, a través de dúas mocións do goberno, deu luz verde por unanimidade no pleno ordinario de hoxe e tras décadas sen actualizar á modificación das normas subsidiarias do planeamento (vixentes dende 1991) e do inventario de viais públicos (vixente dende 1999), cuestións ambas que facilitarán a tramitación urbanística aos veciños e que porán fin a moitas incorrecións entre a norma escrita e a realidade. Ambos asuntos son considerados polo goberno local como de “máximo interese” para os veciños.

    Así, a través da proposta do goberno, aprobouse provisionalmente a modificación puntual número 25 das Normas Subsidiarias que rexen o planeamento de Nigrán dende 1991 (hai un ano, despois de que nun primeiro intento a oposición o rexeitase, votouse por maioría absoluta a aprobación inicial que permitiu sometelas a exposición pública e período de alegacións por dous meses).

    Esta cuestión será o último trámite dende o Concello antes de que o aprobe definitivamente a Xunta, que será cando se lles abra un novo horizonte a moitos propietarios de vivendas anteriores a 1975 (consecuentemente sen licencia de ocupación) que desexan rehabilitala e que ata agora non podían, motivo polo que incluso entidades veciñais como ‘A Irmandade de Priegue’, ‘Monteferro de Panxón’, ‘A Camoesa’ de Camos, ‘A Unión de San Pedro’ ou ‘O Castro’ de Chandebrito incidisen na importancia de levar a cabo este cambio.

    No substantivo, o corpo das NNSS mantívose vixente en Nigrán ao longo de case 30 anos e, polo tanto, ao marxe da constante evolución do marco normativo, identificando os técnicos municipais disfuncións que dificultan obxectivos como a rexeneración e renovación urbana ou rehabilitación e eficiencia enerxética. Así, esta modificación rebaixa as restricións en aspectos como ampliacións ata un 50% en núcleos rurais, reduce os retranqueos, relaxa as condicións estéticas ou dá maior flexibilidade na mellora e ampliación de camiños por onde non poden acceder actualmente nin os vehículos de emerxencia sanitaria.

    Inventario vias públicas

    Paralelamente, aprobouse tamén por unanimidade a moción do goberno para aprobar o novo inventario de vías públicas realizado por técnicos municipais, que non era actualizado dende maio de 1999 (tan só se fixo un traslado a soporte informático en 2012) e centos de viais non figuran nel, dando lugar a moitos conflitos urbanísticos para asuntos como obter unha licencia, servizos públicos… Unha vez que se publique no BOP contará cun periodo de exposición pública de 2 meses. “Dende a oposición pediron ampliar este prazo de un mes a dous e non temos ningún inconvinte, queremos o mellor documento posible para Nigrán”, sinala o alcalde, quen inicia este mércores en Priegue unha rolda de reunións cos veciños de cada parroquia.

    Algunhas das incorporacións esenciais e que ata o de agora non se contemplaban no inventario son a propia autoestrada AG-57, o Polígono de Porto do Molle, o SAU1 de Monteferro, o SAU3 de Area Alta-Panxón, o SAU4 de Castelao/ Telleiras ou o SAU7 de Rans. Outros son vellos camiños que nunca chegaron a ser inventariados como públicos. “Moitas destas novas rúas que se engadirán ao rueiro municipal xa teñen incluso a placa co nome dende hai anos, pero hai decenas delas que non e, neste caso, os estudos de microtoponimia que levamos contratados nestes anos permitiron “bautizalos” do xeito correcto, tal e como o coñecen dende antano os parroquianos”, aclara o alcalde.

    Modificación de crédito

    O goberno de Nigrán aprobou unha modificación de crédito por importe de 284.900 € para , entre outras cousas, cumplir co servizo de axuda no fogar, xa que para cubrir a tódolos usuarios era preciso incorporar 110.000 € a esta partida; asimesmo, a Xunta incrementou este ano o convenio da cofinanciación da Galiña Azul en 32.000 € máis que foi preciso engadir.

    Emerxencias

    Finalmente, e tamén a proposta do goberno, aprobouse por unanimidade a declaración do estado de emerxencia climática que busca reducir os gases de efecto invernadeiro e a situación de #emerxenciafeminista promovida por diferentes organizacións de mulleres en todo o país.

    Modificación de crédito

    Finalmente, o goberno aprobou unha modificación de crédito por importe de 284.900 € para, fundamentalmente, implementar o servizo de axuda no fogar (110.000 €) e para cumpir co convenio da Galiña Azul que a Xunta aumentou este ano 32.000 €.

    COLABORACIÓNS

    Receta saludable de veroño

    Primer domingo de otoño y último del mes de septiembre; con este día gris damos por terminada la temporada estival. Confío en que estéis preparados, y sobre todo mentalizados, para iniciar el año escolar con ganas (soy de las que siente que cuando llega septiembre comienza un “nuevo curso”, aunque ya hayan pasado años desde que terminé la universidad).

    Andreia Costas, «Corazón de vaca e outras vísceras»

    «Corazón de vaca e outras vísceras» é a primeira achega individual de Andreia Costas ao mundo da narrativa, logo de participar con éxito en varios certames de relato e de poesía e nalgúns libros colectivos.

    Saliente de guardia

    El volumen de la canción y un discreto codazo de mi mujer me devolvieron a la realidad. El homenajeado sonreía frente a las velas encendidas de la tarta y los invitados entonaban el 'cumpleaños feliz'. Yo tenía la mirada perdida pero, tras el aviso, me incorporé a las últimas notas y al aplauso final.

    Entrevista a Carlos García Vaso

    Escribir sobre Azul y Negro es un orgullo, ya no solo por ser parte de la historia de nuestra música (¿Quién no recuerda las melodías / himnos que hicieron para varias Vueltas Ciclistas a España?) sino por que nunca fueron de divos y siempre estuvieron cerca de sus fans. Acaban de publicar nuevo disco (el Covid los volvió a unir a la formación original) y por tal motivo charlamos con Carlos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    5 POSTS0 COMMENTS
    Manrique Fernández
    45 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS