16 C
Pontevedra
Venres, 30 de Setembro de 2022
Máis
    HomeVal MiñorNigránAqualia súmase á campaña 'Este Nadal merca en Nigrán' aportando 3.000 €...

    Aqualia súmase á campaña ‘Este Nadal merca en Nigrán’ aportando 3.000 € en vales

    Ao longo desta semana preto de 60 familias usuarias dos Servizos Sociais recibirán cadanseus vales por valor de 50 € para poder gastalos en 70 establecementos de Nigrán

    A campaña de Concello de Nigrán e Ovalmi ‘Este Nadal merca en Nigrán’ amosa desde hoxe a súa cara máis solidaria grazas a Aqualia. Así, a empresa concesionaria súmase aportando 3.000 € en vales de 5 € que serán entregados ao longo desta semana a preto de 60 familias usuarias dos Servizos Sociais de Nigrán para que os poidan consumir nun total de 70 establecementos do municipio adheridos a Ovalmi (o listado está dispoñible en www.nigran.es). A iniciativa é froito da colaboración entre as tres entidades.

    “O obxectivo é que as familias en vulnerabilidade poidan empregar os cartos no que máis lles conveña ao tempo que se beneficia o comercio local da súa compra”, explica o alcalde, Juan González, quen agradece especialmente “o gran compromiso social de Aqualia co municipio” e a colaboración de Ovalmi para poder levar adiante esta iniciativa na que participan desde tendas de alimentación a panadarías, perruquerías, talleres, farmacias, ópticas, ferreterías, tendas de roupa e zapaterías…

    Paralelamente, e ao marxe desta campaña, o Concello realizará reparto de alimentos adicional con produtos tradicionais de Nadal. Igualmente, repítese a iniciativa “Agasallos de Corazón”, destinada ao Banco Municipal de Xoguetes para repartir durante todo o ano entre familias usuarias dos Servizos Sociais e tamén para promover o Roupeiro (tanto para doazóns como para recoller prendas). Deste xeito, ata o 20 de decembro recolleranse xoguetes de todo tipo (coa condición indispensable de que se atopen en bo estado e debidamente hixienizados) no Pavillón Municipal de Panxón (de luns a venres de 10:00 a 13:30 e de 16:30 a 20:00 horas) e no establecemento Chupipostres (Estrada pola Vía, 114 B). Compre sinalar que son especialmente necesarios os destinados a partir de 7 anos en diante. Igualmente, o Concello promove tamén nesta campaña o Roupeiro Municipal, ben para realizar doazóns ou ben para recoller prendas para uso propio ou de cara a realizar agasallos (desde infantil a adulto en todas as tallas, incluído zapatos). Nestes intres, resulta especialmente necesario recibir roupa de cama. Calquera persoa pode doar pero tamén recoller, trátase dunha entrega directa, xa que o obxectivo é tamén contribuír á sostibilidade medioambiental dándolle unha segunda vida á roupa. Localízase na rúa Paradellas (ao carón do IES Val Miñor), é xestionado por voluntarias, e abre mércores e xoves de 10:00 a 12:30 horas e venres de 16:30 a 18:00 horas (este día mediante cita previa no 986383081).

    #ESTENADALMERCAENNIGRÁN

    Ante o éxito nas pasadas festas, o Concello e Ovalmi repiten esta iniciativa aberta a todos os comerciantes e que inclúe a partir de esta semana o reparto de 8.000 bolsas de papel kraft entre os establecementos, cartalaría, distribución de vinilos para escaparates coa frase #VivoEnNigránComproEnNigrán… Como xa é habitual, os propios tendeiros son os protagonistas de toda a campaña, sendo o vídeo estreado a semana pasada o elemento máis destacado. O Concello de Nigrán continúa así co seu esforzo para promover o comercio de proximidade entre a veciñanza, tal e como leva facendo durante anos con campañas xenéricas ou en determinadas datas como esta, a Pascua, Día da Nai ou do Pai…

    “Repetimos a iniciativa porque estamos nunhas datas onde o consumo é o protagonista e queremos apelar a que se faga dun xeito consciente para que vaia en beneficio da nosa vila”, explica o alcalde, Juan González.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS