16 C
Pontevedra
Martes, 21 de Maio de 2024
Máis
    HomeVal MiñorNigránO concello de Nigrán contrata a través do ‘plan + provincia’ da...

    O concello de Nigrán contrata a través do ‘plan + provincia’ da Deputación a 15 peóns forestais e 3 conserxes para os colexios

    O Concello de Nigrán incorporou hoxe a través da liña 3 do ‘Plan + Provincia’ da Deputación de Pontevedra a 15 peóns forestais por 8 meses e 3 conserxes durante 7 meses, todos a xornada completa. Trátase de veciños do municipio que se atopaban en situación de desemprego.

    “Son postos de traballo moi necesarios para manter en boas condicións os camiños e viais públicos e o normal funcionamento dos colexios” sinala o alcalde, Juan González, quen engade que hoxe mesmo comezaron a desenvolver o seu traballo. Así, as brigadas están atendendo xa necesidades urxentes en Camiño da Fonte en Patos, Leiras, Pateira e Nespereira en Nigrán, Raña en Priegue, Campo Grande en Camos ou Casas en Nigrán antes de organizar un cronograma por parroquias e os conserxes nos colexios de Mallón, Camos (CEIP da Cruz) e Vilariño (CEIP Carlos Casares).

    O proceso selectivo, que se levou a cabo a través da oficina de emprego Baiona dentro da máis absoluta transparencia, foi acorde ás bases establecidas, dándose prioridade ás vítimas da violencia de xénero, maiores de 45 anos, mulleres con baixa cualificación, persoas con familia monoparental con fillos ao seu cargo, persoas cos niveis de renda máis baixas ou ás que teñen cargas familiares…

    Entre as labores que desenvolverán os peóns forestais a xornada completa atópase a conservación dos bens municipais, o mantemento das estradas, camiños e roteiros en perfecto estado, poda de árbores ou arbustos, a protección do medio ambiente ou a preservación das instalación escolares ou zonas verdes. Pola súa banda, os conserxes ocuparanse de fotocopias, control de acceso á escola e ás actividades, preparación do Auditorio, colaboración no desenvolvemento de actividades…

    A elección destes dous perfís profesionais fundaméntase na necesidade do Concello de manter axeitadamente os servizos municipais nun tipo de áreas no que o persoal fixo do Concello resulta insuficiente. O obxectivo pararelo é que os beneficiarios melloren a súa capacitación e, con elo, as posibilidades de incorporarse ao mercado de traballo ordinario tras rematar no Concello.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.