O Concello de Baiona ven de rematar as obras de mellora do espazo peatonal da Foz do Miñor, no tramo que percorre o interior da calzada en paralelo ao paseo marítimo.
A intervención, valorada en 25.236 euros, financiouse con cargo ao Plan Concellos da Diputación de Pontevedra.
As accións leváronse a cabo tanto na propia senda como na ponte de madeira situada sobre o tramo final do río Groba.
O concelleiro de Vías e Obras, Óscar Martínez, explicou que a ponte renovouse por completo, dispoñendo taboleiros máis anchos, de 45 milímetros fronte aos anteriores de 25 milímetros, e mellorando a barandilla: “a finalidade é incrementar a durabilidade e a seguridade”.
Con respecto aos postes e as cordas, acordouse a súa sustitución dos que presdentaban un elevado grado de deterioro e tratáronse os que estaban en mellores condicións. Colocáronse novos bancos e papeleiras, sometendo a reparación os xa existentes.
O alcalde, destacou que esta é a terceira actuación no paseo marítimo ao seu paso por Sabarís, logo das restauracións integrais levadas a cabo nas dúas pontes de madeira que discorren pola parroquia, esquecidas dende fai anos polos anteriores grupos de goberno.
