8.7 C
Pontevedra
Venres, 1 de Marzo de 2024
Máis
    HomeVal MiñorBaionaO Concello de Baiona inicia os traballos de recuperación dos lavadoiros do...

    O Concello de Baiona inicia os traballos de recuperación dos lavadoiros do municipio

    Estreitamente vinculados 'á cultura da auga' o paso do tempo desvinculou estes lugares do seu cometido inicial para pasar a converterse nun elemento patrimonial a coidar e conservar

    O Concello de Baiona iniciou nestes pasados días os traballos de limpeza, mellora e rehabilitación dos lavadoiros públicos co fin de poñelos en valor e darlles a importancia que teñen como elemento patrimonial de toda a veciñanza.

    Os traballos comezáronse na parroquia de Baíña onde nestes días rematouse coa mellora e recuperación do lavadoiro do Burgo, que foi sometido a unha limpeza a fondo, selado de xuntas para evitar perdas de auga, pintado e rozado de toda a contorna.

    Unha vez rematada a mellora e recuperación do lavadoiro do Burgo, seguirase co de Fontes, tamén na parroquia de Baíña para, posteriormente mellorar todos e cada un dos existentes no municipio.

    Tanto o alcalde de Baiona, Carlos Gómez, coma o concelleiro de Vías e Obras, Óscar Martínez, subliñaron a importancia de recuperar estes lavadoiros “que co paso do tempo e logo de perder o seu obxectivo inicial, son agora elementos patrimoniais de primeira orde que é necesario protexer e conservar”.

    Nese sentido Carlos Gómez lembrou que Baiona “é un municipio que conta con innumerables recursos históricos, culturais e patrimoniais que non poden ser tratados de xeito independente xa que, todos eles, son parte inseparable da propia da nosa historia”. Recuperar os lavadoiros, conclúe o rexedor local, “e dar un paso máis na conservación das nosas costumes e da nosa historia máis próxima, a historia cotiá”, finaliza o rexedor local.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.