O Monte Real Club de Iates de Baiona quixo hoxe achegar o seu gran de area ao Día da Muller e, nada mellor que facelo a través dun video onde mulleres e mar son as grandes protagonistas. Regatistas, padroas, armadoras, alumnas da escola de vela, traballadoras, adestradoras… están presentes neste traballo no que expresase, sen palabras, o papel cada vez máis protagonista da muller no mundo da náutica. Parabéns por un fermosísimo traballo.
LIBROS
Xosé M. Eyré, «Ou as dúas estaredes mortas»
Moito temos falado neste mesmo espazo dos cada vez máis difusos lindes entre xéneros literarios; de como novela e relato –tamén a poesía ou o teatro– semellan lidar pola posesión de espazos que tradicionalmente lles eran alleos e que pretenden converter en propios, alimentando así unha fusión que, no fondo, non deixa de ser a procura de novas vías de expresión aínda non transitadas.
Raquel Castro, «Sobremesas sobre versos»
Dende fai xa varios anos, Raquel Castro é unha das habituais na literatura infantil galega, pero a maioría dos seus traballos publicados enfocábanse cara ao mundo do teatro para nenos, onde deixou pezas de excelente facturación.
Domingo Villar, «Síbaris»
A morte prematura de Domingo Villar foi un duro mazazo para os amantes da literatura galega, iso é algo sobre o que coido que existe consenso a estas alturas.