9.5 C
Pontevedra
Mércores, 28 de Febreiro de 2024
Máis
    HomeVal MiñorBaionaFemupo imparte un curso de “Manipulador de alimentos” en Baiona

    Femupo imparte un curso de “Manipulador de alimentos” en Baiona

    A presidenta de Femupo, Raquel Touriño, xunto coa concelleira de Igualdade do Concello de Baiona, Yasmina Moreira Costas, fixeron entrega dos diplomas da acción formativa de “Manipulador de alimentos” ás persoas da localidade que participan no Plan Corresponsables, un proxecto para favorecer a conciliación de familias con menores dende un enfoque de igualdade entre mulleres e homes.

    A Concellería de Igualdade do Concello de Baiona colabora coa Federación pola Igualdade das Mulleres da Provincia de Pontevedra (Femupo) que  activou con este curso a primera das accións do Plan Corresponsables en Baiona.

    Tamén levaránse a cabo outras accións de formación encamiñadas a un futuro recoñecemento da experiencia laboral das mulleres, como por exemplo: primeiros auxilios, competencias básicas ou competencias dixitais.

    “Para Femupo supón un gran impulso como federación xa que nos converte na agrupación social e feminista referente do Plan Corresponsables na provincia de Pontevedra,” declara Raquel Touriño, presidenta de Femupo. “Isto vainos facilitar medios para levar a cabo multitude de accións por toda a provincia e así expandir a nosa filosofía de traballo co obxectivo de acadar a igualdade das mulleres.”

    Un dos principais eixes do Plan Corresponsables Femupo é a formación gratuíta para que as mulleres poidan acceder ao Certificado de profesionalidade no coidado de menores de ata 16 anos. O Plan contempla ademais a creación dun censo laboral que se porá a disposición de empresas e administracións que busquen persoas dispostas a traballar no coidado de menores

    Con esta iniciativa, búscase favorecer que mulleres poidan acceder a empregos de calidade nos seus lugares de residencia ou exercer profesionalmente unha actividade que viñan desempeñando de maneira non formal.

    “Temos que ser conscientes de que hoxe en día conciliar o traballo cos coidados familiares supón facer malabares. Hai que investir e educar para facer real a corresponsabilidade de maneira que os coidados se compartan e deixen de ser cargas na vida familiar,” comenta Touriño.

    O acordo enmárcase na aposta da Concellería de Igualdade do Concello de Baiona pola conciliación e a corresponsabilidade e a creación de emprego de calidade.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.