O secretario xeral para o Deporte da Xunta de Galicia, José Ramón Lete Lasa, acaba de asinar co presidente do Monte Real Club de Iates, José Luis Álvarez, o contrato de patrocinio polo que a Xunta achega á entidade un total de 9.000 euros para as actividades da Escola de Vela adaptada para persoas con discapacidade física e psíquica.
Tras a firma do acordo, tanto Lete como Álvarez aseguraron que a accesibilidade e a inclusión deben ser prioridades na práctica deportiva, e é por iso que a Xunta e o Monte Real unen os seus esforzos para loitar por un deporte «plural, diverso, sen xénero nin idade, para todos e para todas, enriquecedor da sociedade, transmisor de valores, formador, igualador e motor de cambio social”, asegurou Lete Lasa.
“Para conseguir este deporte temos que traballar día a día e unir as nosas forzas todas as administracións públicas, empresas galegas e a sociedade en xeral”, dixo o mandatario galego.
O secretario xeral para ou Deporte @de la Xunta de Galicia cualificó ao Monte Real como “un socio inmellorable”para conseguir estes obxectivos xa que -lembrou- a eliminación de gran parte das barreiras arquitectónicas do club e a adquisición de barcos adaptados permitiulle converterse, no 2014, no único club náutico español en recibir unha distinción especial da Asociación de Educación Ambiental e do Consumidor (ADEAC) polo seu traballo de integración social.
A Escola de Vela adaptada do MRCYB funciona durante todo o ano natural e leva traballando de maneira ininterrompida desde 2012, sendo a única entidade que realiza un programa destas características en todo o norte de España.