18.4 C
Pontevedra
Luns, 3 de Outubro de 2022
Máis
    HomeVal MiñorBaionaBaiona recoñece a traxectoria e traballo do Instituto de Estudos Miñoranos coa...

    Baiona recoñece a traxectoria e traballo do Instituto de Estudos Miñoranos coa entrega da ‘Medalla de Ouro’ do Concello

    O Concello de Baiona homenaxeou onte venres ao Instituto de Estudos Miñoranos coa entrega da ‘Medalla de Ouro’, distinción coa que se quere recoñecer a traxectoria do IEM a favor da cultura do Val Miñor e que foi acordada por unanimidade pola Comisión de Honras e Distincións do Concello que preside Carlos Gómez.

    A praza do Concello de Baiona acolleu o acto de entrega do máximo galardón que pode outorgar a Corporación Municipal, nun evento no que estiveron presentes representantes, exrepresentantes e integrantes do Instituto de Estudos Miñoranos e a Corporación Municipal.

    Xosé Lois Vilar, vicedirector do IEM, expuxo no seu discurso a longa traxectoria da entidade. Mentres que o discurso do Alcalde de Baiona, Carlos Gómez Prado, centrouse no agradecemento ao Instituto polo seu gran labor cultural. A ‘Medalla de Ouro’ foi recollida polos exdirectores do IEM Carlos Méixome Quinteiro e Xulián Maure. Á foto de familia sumáronse os vicedirectores actuais da entidade, Xosé Lois Vilar, Xilberte Manso e Antonio Soliño.

    “O traballo constante, voluntario e desinteresado de membros e colaboradores do Instituto de Estudos Miñoranos foi e é, a clave de que o proxecto, siga na vangarda da divulgación cultural en Baiona e no resto dos municipios do Val Miñor”, salientou o alcalde de Baiona, Carlos Gómez na súa intervención ao que engadiu que “Baiona tiña unha conta pendente con esta institución por iso é de xustiza que reciban a Medalla de Ouro do noso Concello, a máxima distinción local”.

    Trátase do primeiro recoñecemento público oficial ao labor altruísta dos membros do IEM “que ao longo de todos estes anos conseguiu transformar, coa colaboración das institucións como o Concello de Baiona, o panorama cultural da nosa Vila mediante un amplo abanico de actividades
    de divulgación relacionadas co patrimonio natural, etnográfico, histórico, artístico, arquitectónico ou, mesmo, lingüístico. Salvagardou e promocionou a nosa identidade, o noso idioma e a nosa cultura, entendendo a realidade miñorana e por tanto a baionesa en como integrada no ámbito xeral da sociedade galega. Tamén é importante destacar a achega dunha gran variedade de Publicacións ao Patrimonio Bibliográfico Baionés. Un labor deste Instituto que, non sendo oficial, ten desenvolto a expresión independente emanada da sociedade miñorana, en xeral e a Baionesa en particular, conseguindo con fartura todos estes postulados mencionados”, sinalou Gómez no seu discurso.

    O Instituto de Estudos Miñoranos leva máis de dúas décadas, o próximo 27 de outubro cúmprense vinte e un anos da súa constitución, dedicado á divulgación da cultura nas súas máis diversas expresións, vinte e un anos de esforzo altruísta posto en común por un bo número de persoas movidas polo único interese de fomentar o coñecemento do patrimonio e a historia da comarca e na Vila de Baiona.

    O esforzo destas persoas, profesionais de diversos ámbitos, permitiu ao IEM manter unha programación cultural estable e un ritmo de traballo constante na procura de novos estímulos culturais para os baioneses e baionesas e para o resto de miñoranos..

    O IEM constituíuse formalmente como asociación en 1999 co obxectivo de fomentar o coñecemento, conservación e respecto polo patrimonio miñorano, no cal se inclúe o baionés, en diferentes disciplinas coa finalidade de destacar o seu valor como ben económico e cultural. Cabe destacar ademais, a colaboración que mantivo desde a súa fundación que o Concello iento de Baiona.

    Entre as moitas actividades que veu desenvolvendo a entidade ao longo dos anos en Baiona atópanse as xa tradicionais ‘Xeiras’ do IEM que son unha cita marca en vermello no calendario cultural da Vila: visitas guiadas a distintos lugares de interese histórico, artístico, natural e paisaxístico de Baiona, como as visitas guiadas á aldea medieval de San Cosme, na parroquia
    de Baíña; as visitas guiadas pola Fortaleza de Monte Real; os distintos roteiros culturais guiados; os roteiros marítimos pola baía e un longo etcétera de actividades.

    Mención á parte merecen as diferentes xornadas que dedica á divulgación do patrimonio e á cultura da Real Villa así como os esforzos dedicados á reivindicación da memoria histórica
    como as homenaxes aos nove veciños da comarca fusilados en outubro de 1936 na coñecida como Volve dos Nove en Baredo.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS