16 C
Pontevedra
Martes, 21 de Maio de 2024
Máis
    HomeVal MiñorBaionaO alcalde de Baiona propón a Lugove a creación dunha app para...

    O alcalde de Baiona propón a Lugove a creación dunha app para as persoas usuarias do transporte público

    O alcalde de Baiona, Jesús Vázquez Almuiña, reuniuse cos responsables da empresa LUGOVE, concesionaria do transporte regular de pasaxeiros entre Baiona e Vigo, para trasladarlles a posibilidade de que entre a empresa concesionaria e a Xunta puidesen implantar unha app que dese ás perdoas usuarias información en tempo real sobre a localización dos autobuses.

    Na reunión, na que estaban presentes Antonio Arias Paredes, presidente do grupo Vectalia; José Luis Romillo, director xeral do grupo Vectalia e Alberto Dorado, director de Lugove, explicouselle ao alcalde Vázquez Almuíña que era un proxecto que a empresa tiña en estudo.

    Tamén se revisaron os problemas que xurdiran desde o inicio de actividade, destacando que, actualmente, entre as dúas cidades hai ata 40 servizos ao día. Nos últimos días realizáronse cambios co fin de axustar os horarios á operativa actual. Ditos horarios non se modificaron co traslado da cabeceira de Vigo da antiga estación de autobuses á actual, no centro comercial Vialia.

    Os cambios nos horarios fixéronse tanto na cabeceira de Baiona como na de Vigo e tentáronse minimizar respecto a os horarios actuais, pero eran necesarios para que os usuarios teñan información máis precisa dos horarios dos servizos. Ademais dos axustes realizados nos horarios, fíxose un renombramiento das liñas.

    Actualmente as liñas só se identificaban a través dos códigos oficiais da Xunta, que se seguirán mantendo e mostrando nos autobuses, pero engadiuse unha nova denominación para cada liña. No caso da zona de Baiona. As liñas que pasan pola localidade van pasar a ter os códigos 2a, 2b, 2c, 2d, 2e e 2f, ademais doutras liñas como a 6 Circular Baiona. Non hai cambios nos percorridos, só na forma de mostrar a información dos roteiros, das paradas de cada unha delas e dos horarios das mesmas.

    Unha das novidades é unha nova nomenclatura das liñas agrupando as principais en 3 eixos ou corredores:

    A Guarda – Vigo por Tui. Son todas as liñas que unen A Guarda con Vigo por Tomiño e Tui, con todas as súas variantes (desde Camposancos, polo Rosal, por Eiras).

    A Guarda-Baiona-Vigo. Todas as liñas que unen Baiona con Vigo (incluíndo ás expedicións que saen de Baredo, que pasan por Medialdea, Chandebrito, Panxón etc.) e A Guarda con Vigo por Baiona (incluíndo as saídas desde Camposancos e os que pasan polo Rosal).

    Gondomar- Vigo. Todas as liñas que unen Gondomar a Vigo, pola costa (Ramallosa/Panxón) ou polo interior (Vincios). Tamén están incluídas as liñas de Vigo a Tomiño e ao Rosal por Gondomar, dado que comparten a maior parte do percorrido.

    No caso de Baiona, as liñas serían as seguintes:

    A día de hoxe actualizouse toda a información e na páxina www.lugove.gal pódense consultar toda a nova información de roteiros, paradas e horarios.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.