13.7 C
Pontevedra
Sábado, 18 de Maio de 2024
Máis
    HomeVal MiñorBaionaBaiona ofrece mañá un obradoiro de autocoidado

    Baiona ofrece mañá un obradoiro de autocoidado

    Tras o acto central do 8M, Día Internacional da Muller, no Multiusos Mercado de Sabarís, onde a Concellería de Igualdade inaugurou a exposición das fotografías e as historias das mulleres de Baiona que forman parte das “Axendas Igualitarias”, un bonito proxecto iniciado no 2021 por esta Concellería, continúa durante a fin de semana a programación da “Primavera Lila”,  programación deseñada por Igualdade e a dirección do CIM con motivo do 8 M, Día Internacional da Muller.

    Así, darase continuación as actividades mañá venres día 10 de marzo no Multiusos Mercado de Sabarís ás 12:15 co obradoiro “Para rachar estereotipos de xénero” para o alumnado do CEP Sabarís, en colaboración coa ANPA deste colexio.

    Xa pola tarde ás 19:30 h haberá dous obradoiros moi interesantes: o Obradoiro “Rir as penas. Risoterapia”, en colaboración coa Asociación de Viúvas de Baiona “Mercedes de la Escalera” e o Obradoiro “Cóidate. A importancia do autocoidado”, en colaboración coa Asociación de Amas de Casa de Baiona.

    O sábado, 11 de marzo, neste mesmo espazo ás 19:30 h, haberá un espectáculo familiar baixo o título: “Cinema de historias da man de Alice Guy (A nai do cinema), de Raquel Queizás, para nenos a partir de 5 anos.

    Entre finais de febreiro, todo o mes de marzo e principios do mes de abril,  está a  levarse  a cabo toda unha serie de actividades que forman parte dunha programación que co 8 de marzo como escenario, a concelleira, lembra “a importancia que ten traballar a diario en favor da igualdade en base a políticas que ofrezan respaldo a mulleres como as que se recollen no Plan Municipal de Igualdade de Oportunidades de mulleres e homes do Concello de Baiona 2019-2023.” Accións que sexan tamén extensivas a toda a cidadanía porque “ a igualdade é cousa de toda unha sociedade” e é preciso traballar en conxunto con estratexias que abarquen a todas as idades e colectivos, con accións específicas para cada sector “e que todas teñan un fío condutor, unha sociedade comprometida coa igualdade”, sinala Moreira Costas.
    Por iso, desenvolveranse diversas actividades cuxo obxectivo xeral é promover a consecución da igualdade real e efectiva entre as mulleres e os homes no ámbito escolar e cultural e previr a violencia de xénero.

    Aplicando a transversalidade de xénero, sen limitarse a un so contexto ou plano de actuación, para traballar na sensibilización en Igualdade e a prevención da violencia machista desde os distintos campos, a “Primavera Lila” integra toda unha serie de actividades enfocadas a distintos tipos de públicos.

    As actividades están financiadas pola Deputación de Pontevedra con cargo ao Plan Concellos Línea 2.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.