13.3 C
Pontevedra
Martes, 21 de Maio de 2024
Máis
    HomeVal MiñorBaionaBaiona abrirá mañá o prazo de inscrición na Escola de Verán

    Baiona abrirá mañá o prazo de inscrición na Escola de Verán

    Imaxe de arquivo da Escola de Verán 2022

    A Concellería de Igualdade do Concello de Baiona abre mañá, 28 de abril, o prazo para solicitar praza para participar na Escola de Verán 2023.

    A actividade está dirixida a nenos nados entre o ano 2011 e 2019. Ademáis deberá acreditarse unha das seguintes circunstancias: Un dos proxenitores (pais/titor) debe estar empadroado no municipio con data anterior a esta convocatoria (non e necesario acreditalo, o Concello de Baiona verificará que o pai ou a nai dos menores estén empadroados no municipio); que o neno para o que se solicite praza esté escolarizado no curso escolar 2022-2023 nun centro educativo do municipio ou que o pai/titor do menor para o que se solicita praza traballe ou posúa un negocio en Baiona. En caso de familias monoparentais deberá traballar o pai/titor que estea a cargo do menor.

    O programa desenvolverase ao longo do mes de xullo, de luns a venres de 8:00 a 15:00 horas no CPI Covaterreña e no CEP de Sabarís, salvo festivos. Haberá flexibilidade no horario de entrada (de 8:00 a 9:00 h) e no horario de saída (de 14:00 a 15:00 h) sempre que se sinale na solicitude.

    A Escola de Verán 2023 do Concello de Baiona é un programa que ten como obxectivo xeral “facilitar ás familias do municipio un recurso para conciliar a vida laboral, persoal e familiar, establecendo un servizo sociocomunitario que mellore a calidade de vida do territorio, potenciando ademais a optimización de recursos a través da utilización dos centros educativos municipais fóra do horario lectivo”.

    As persoas interesadas en participar na convocatoria deberán presentar a solicitude de inscrición (Anexo I) debidamente cumprimentada e asinada, xunto coa documentación requirida de acordo co artigo 12, no rexistro de entrada do Concello de Baiona de luns a venres en horario de mañá, , ou a través da sede electrónica do  Concello de Baiona, O prazo para presentar a solicitude é   dende o venres 28 de abril ata o martes 16 de maio ámbolos dous incluídos. No caso de solicitudes presentadas pola Sede Electrónica, éstas poderán presentarse en calquera hora ou día durante a vixencia do prazo de solicitudes ata o martes 16 de maio ás 14:00 horas.

    O programa é cofinanciado polas familias participantes, polo Concello de Baiona e pola Deputación de Pontevedra a través do Plan Concellos 2023 (Liña 2).

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.