19 C
Pontevedra
Luns, 15 de Abril de 2024
Máis
    HomeVal MiñorBaionaA Subdelegación do Goberno coordina xunto o Concello de Baiona as medidas...

    A Subdelegación do Goberno coordina xunto o Concello de Baiona as medidas de seguridade para a Festa da Arribada

    As Forzas e Corpos de Seguridade do Estado activarán dispositivos especiais de control da circulación nos accesos á vila

    Imaxe de arquivo da presentación da Arribada 2021 que, finalmente, non se puido celebrar

    A Subdelegación do  Goberno en Pontevedra e o Concello de Baiona celebraron onte pola mañá unha Xunta Local de Seguridade cuxo punto prioritario centrouse en promover e coordinar todas  as medidas  encamiñadas a garantir a seguridade na localidade durante o desenvolvemento dos actos da Festa da Arribada que se celebra os días 4, 5 e 6 de marzo.

     Esta celebración regresa tras un ano de parón pola pandemia e agárdase que congregue de novo a un importante número de visitantes que  queren gozar  desta  festa   mediaval co  recoñecemento de interese turístico internacional.

    Así,  as  accións que se van levar a cabo por parte dos Corpos e  Forzas de  Seguridade  do Estado pasan pola posta en marcha de  controis de circulación nos accesos a Baiona, contando para iso de medios terrestres e aéreos e pola activación de controis de alcoholemia e drogas que sirvan de prevención  pola posible falta de  responsabilidade  dalgúns  condutores.

    Ademais, servirán de  apoio aos axentes da Policía Local, garantindo o bo desenvolvemento das actividades festivas. Respecto a isto, revisouse o plan de protección elaborado polo Concello no que se establecen os medios municipais para garantir a seguridade durante o desenvolvemento dos tres días festivos.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.