16.1 C
Pontevedra
Sábado, 18 de Maio de 2024
Máis
    HomeVal MiñorBaionaA Oficina de Turismo de Baiona recibe a Q de calidade turística

    A Oficina de Turismo de Baiona recibe a Q de calidade turística

    O tenente de alcalde de Baiona, Óscar Martínez, recolleu en Vigo o recoñecemento autonómico ao traballo da Oficina de Turismo de Baiona, tras renovar o distintivo da “Q de calidade turística” o pasado ano 2020.

    A entrega do distintivo levou a cabo durante un acto ao que asistiron representantes da Xunta e do Instituto para a Calidade Turística de España (ICTE), dependente do Ministerio de Industria, Comercio e Turismo, que concede estes selos de calidade. Ao mesmo tempo recibiron este recoñecemento todas as demais institucións e empresas galegas ás que lles foi concedido no 2020 xa que, debido á crise sanitaria, non se puido celebrar este acto público durante o ano pasado.

    Baiona recibe este recoñecemento tras pasar favorablemente a auditoría da Q de Calidade, levada a cabo polo ICTE, e renovar o distintivo que conseguiu por primeira vez en 2019 tras adherirse á Rede de Oficinas de Turismo “Info Rías Baixas”, posta en marcha pola Deputación de Pontevedra.

    A renovación do distintivo en 2020 produciuse nun contexto de gran complicación para o servizo de atención xa que requiriu unha reestruturación dos procedementos de atención ao turista, do espazo físico na oficina e a adaptación ás medidas preventivas ante a Covid-19.

    “É un recoñecemento que valora o traballo realizado desde o Concello de Baiona, en especial o das nosas técnicas de turismo, en favor da calidade turística e a mellora na atención que reciben os visitantes que chegan ao noso municipio”, indica o alcalde Carlos Gómez.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.