17.6 C
Pontevedra
Luns, 15 de Abril de 2024
Máis
    HomeComarcasRedondelaRedondela vive o Día das Persoas de Idade cunha xornada interxeracional

    Redondela vive o Día das Persoas de Idade cunha xornada interxeracional

    Preto de 200 persoas, entre maiores e mocidade, tiveron a oportunidade de intercambiar experiencias

    Máis de 200 persoas, novas e maiores, participaron nunha xornada interxeracional coa que a Concellería da Terceira Idade do Concello de Redondela que xestiona a alcaldesa, Digna Rivas, quería conmemorar o Día Internacional das Persoas de Idade que se celebra hoxe, día 1 de outubro.

    As inestables condicións meteorolóxicas obrigaron a que a actividade, que nun principio estaba programada para desenvolverse na Alameda Castelao, fora trasladada ao Pavillón Municipal de Deportes.

    Alí, mocidade e maiores tiveron a oportunidade de asistir ao contacontos A viaxe de Carlota, organizado pola Asociación Afaga para, deseguido, o alumnado de 6º de primaria do CEIP Laredo dar lectura a uns poemas. A xornada remataba cunha actuación musical a cargo de Os Monifates.

    A xornada foi cualificada por Digna Rivas como “un moi interesante intercambio de experiencias” e, nese sentido, a alcaldesa de Redondela asegurou que “os nosos maiores teñen moito que ofrecer, moito que ensinar. Teñen unha experiencia acumulada que é imprescindible para o desenvolvemento do municipio e, polo tanto, os nosos maiores teñen que participar activamente na construción desa Redondela de futuro e con futuro que todos e todas queremos”.

    Digna Rivas asegurou que esta xornada nace “para ser unha chamada de atención sobre o cambio demográfico que está a sufrir a poboación mundial e a necesidade de que os gobernos desenvolvamos novas políticas e programas que beneficien aos nosos maiores”.

    Nesa liña, a recen creada Concellería da Terceira Idade que xestiona a propia Digna Rivas, busca que “a veciñanza de Redondela e das súas parroquias, mantéñase activa” non so como beneficio para eles mesmos, sinala a alcaldesa, senón “para ser o motor dun cambio positivo dentro do propio Concello, ben como asesores, emprendedores ou como mestres para as novas xeracións, xa que teñen unha ampla bagaxe e unha enorme experiencia práctica que compartir”.

    Digna Rivas adiantou que, nos vindeiros meses “haberá novidades importantes que irán nesa dirección, a de aproveitar o coñecemento dos nosos maiores como parte imprescindible do desenvolvemento do municipio”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.