8.5 C
Pontevedra
Venres, 29 de Marzo de 2024
Máis
    HomeComarcasRedondela"Redondela, para avanzar, non pode prescindir da opinión e experiencia dos nosos...

    “Redondela, para avanzar, non pode prescindir da opinión e experiencia dos nosos maiores”

    “Redondela, que quere avanzar e afrontar os retos de futuro, non pode permitirse o luxo de prescindir da vosa experiencia”, aseguroulles a candidata do PSdeG-Redondela á alcaldía, Digna Rivas, aos representantes de colectivos de maiores nun encontro mantido nunha céntrica cafetería redondelá. A reunión estaba enmarcada dentro das xuntanzas que a candidata socialista mantén con colectivos sociais, culturais, empresariais e deportivos do municipio.

    Neste encontro, Digna Rivas quería tamén coñecer as inquedanzas e necesidades “dun sector da poboación que debe ter unha participación activa na toma de decisións xa que poden aportar ideas baseadas nas súa propia experiencia persoal ou profesional”. A participación da terceira idade na vida de Redondela “non pode quedar restrinxida a viaxes, merendas e bailes” senón que debe ser moito máis activa “e de utilidade para a sociedade na que viven”, asegurou a candidata.

    OLYMPUS DIGITAL CAMERA

    Digna Rivas subliñou a necesidade de que o Concello organice actividades “elixidas polos propios maiores” nas parroquias do municipio “e que estas sexan rotativas de xeito que todas as parroquias poidan contar, en diferentes datas, coas mesmas actividades”.

    Nese sentido, a concelleira e candidata socialista avogou pola necesidade “de que as persoas a quen van dirixidas esas actividades, sexan as que teñan unha participación activa no seu deseño ou na elección das mesmas”, xa que, engadiu, “ninguén mellor que vos para saber se unha actividade ou curso, é de interese ou de utilidade”.

    Digna Rivas rematou adiantando que incluirá no seu programa de goberno, a creación dun consello consultivo de maiores “que posibilite canalizar a súa experiencia en temas de interese para toda a sociedade redondelá”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.