O Concello de Redondela inaugura o domingo 5 de marzo o Centro Cultural de Quintela, unha obra realizada nos terreos cedidos por ADIF-AV e que foron licitadas cun importe de 423.635,22 €. Os traballos, adxudicados á empresa Rocas Graníticas del Condado, S.L., remataron fai 4 meses, pero por situacións alleas a administración do Concello tivo que aplazarse a inauguración. A alcaldesa, Digna Rivas, explica que “a situación debeuse a un retraso na instalación do suministro eléctrico”.
Ademais, a rexidora lembra que “este proxecto, que xa fora adxudicado polo anterior Goberno do PP poucos días antes das eleccións municipais de 2019, non puido realizarse por diversas irregularidades detectadas, que provocaron a renuncia da empresa adxudicataria que advertía da dubidosa execución da mesma” e engade que “este goberno tivo que plantexar un novo proxecto para cumplir o antes posible e con eficiencia o compromiso dunha obra que dará resposta a unha vella aspiración da veciñanza de Quintela. A parroquia carecía, ata o de agora, dun espazo adecuado para a realización das súas actividades sociais, culturais e veciñais”.
Os traballos de recuperación e posta en valor da zona teñen o fin de converte as intalacións no centro neurálixico da parroquia e que cumpla a función de punto de encontro para a vida cultural da veciñanza. Os terreos cedidos por ADIF-AV atpábanse en estado de deterioro polo que se adecentou na súa totalidade con xabre, cubrindo zonas e nivelandoo para finalmente cubrilo con material terroso que permita o crecemento do céspede previsto. O parque infantil renovouse e inclúe ezpazo biosaudable, instalación de xogos e o peche deste con cercas de madeira para a seguridade e o goce dos nenos e nenas. O interior do inmoble conta con sala de xuntas, sala de reunións, oficinas e zonas de recreo amuebladas polo Concello.
A actuación realizada permitiu transformar unha zona infrautilizada nun lugar máis ‘amable’, gañando un novo espazo público con parque infantil, espazo público de esparexemento e encontro para facer todas as actividades que precise a veciñanza. “Queremos que este sexa o lugar de reunión da veciñanza, no que poidan realizar actividades e facer vida social. Queremos agradecer a colaboración das asociacións e sobre todo a Asociación Cultural de Quintela pola súa disposiciín e colaboración co Concello. Durante a inauguración do domingo haberá concertos e actividades que serán o inicio da vida activa que promete o Centro Cultural de Quintela”, explica Rivas.
Este proxecto, como mencionamos ao comezo, xa fora adxudicado polo anterior Goberno do PP poucos días antes das eleccións municipais de 2019, éste, , non puido realizarse por diversas irregularidades detectadas, que provocaron a renuncia da empresa adxudicataria quen advertía da dubidosa execución da mesma “ao detectar deficiencias de redacción do proxecto e a esixencia de adquirir uns módulos de marca concreta en contra do indicado na lei de contratos”, aclara a alcaldesa Digna Rivas. A todos estes impedimentos para “o inicio inminente” que anunciaba o PP, engadíase a denuncia que Colexio de Arquitectos de Galicia presentaba ao “proxecto estrela do PP que demostraba ser só un engano máis á veciñanza, como outros moitos, ao considerar que infrinxía a Lei de Ordenación da Edificación e estaba asinado por un técnico que –segundo informaba o Colexio– non tiña competencias na materia”, conclúe a alcaldesa.
Durante a inauguración haberá concertos durante todo o día, música e foliada. Äs 11:45 comeza o grupo Carballo das Cen Pólas, seguido do concerto de Gure Terra. Ás 17:00 horas continúa a música a cargo de Uxía Lambona co seu espectáculo infantil para o goce dos máis pequenos e pequenas. Ás 18:45 pechan a velada o grupo Tanto nso Ten.
