11.2 C
Pontevedra
Mércores, 19 de Maio de 2021
Máis
    HomeComarcasRedondelaRedondela executará ata o final de mandato proxectos por preto de 5...

    Redondela executará ata o final de mandato proxectos por preto de 5 millóns de euros coa axuda dos fondos europeos

    A Estratexia DUSI busca converter Redondela nunha cidade “amable, conectada e competitiva que teña ao patrimonio ambiental, histórico e cultural como eixe vertebrador da actividade económica

    O Concello de Redondela investirá ata final deste mandato, preto de cinco millóns de euros en distintas actuacións desenvolvidas ao abeiro da Estratexia DUSI, un programa que comezou no 2016 e que busca implementar accións que convertan Redondela nunha cidade amable, conectada e competitiva, tomando o patrimonio ambiental, histórico e cultural como eixe vertebrador da actividade económica, tanto no propio modelo de desenvolvemento sustentable da cidade como modelo de intervención do espazo público.

    No pasado ano o Goberno local investiu máis de 600.000 euros –dos máis de 6 millóns que le foran destinados ao concello a través dos fondos FEDER no marco do Programa Operativo Plurirrexional de España (POPE) e a Estratexia DUSI– en iniciativas de mellora dos servizos básicos e posta en valor do patrimonio como foron, entre outras, a recuperación do Cemiterio de Eidos ou a oficina de Servizos Sociais de Redondela. Cómpre salientar que o anterior Goberno, en catro anos de mandato, tan só foi capaz de executar 200.000 euros.

    Neste ano 2021 executaranse actuacións unha serie de actuacións que superarán os dous millóns de euros. Así, o Goberno local desenvolverá a construción da Senda Verde de Chapela, cun investimento de preto dos 800.000 euros e que se executa dentro da liña 11 destinada a actividades encamiñadas á redución da contaminación a través da creación de sendas verdes e paseos peonís que poñan en valor o patrimonio medioambiental, arquitectónico, histórico e cultural de Redondela, así como a recuperación, mellora e coidado do espazo público e zonas naturais.

    Doutra banda, e dentro das liñas 2, 3 e 4 de Humanización e Acondicionamento do espazo público, supresión de barreiras arquitectónicas e mellora da seguridade viaria de peregrinos e escolares, desenvolverase o proxecto de remodelación da Praza de Ponteareas, no que se investirán tamén preto dos 800.000 euros, entrada natural do casco urbano e paso obrigado das dúas rutas xacobeas que conflúen no municipio redondelán: o Camiño Portugués e o Camiño Portugués pola Costa.

    A rehabilitación do edificio do antigo Conservatorio será outra das obras que se executen ao longo deste ano, traballos que contarán cun investimento superior aos 350.000 euros e que inclúense en dúas liñas específicas: a 23, de recuperación, rehabilitación e mellora da sinalización do patrimonio histórico e cultural, e a 26 dirixida á creación e programación de novos eventos e rutas culturais.

    Trataríase, neste caso, dunha rehabilitación integral do interior da edificación para adaptala á normativa vixente de accesibilidade e seguridade e co fin de situar na planta baixa a Oficina de Turismo Municipal xa que o Camiño de Santiago descorre pola rúa na que está situado o inmoble e tendo en conta, amais, que o turismo de peregrinos supón cerca do 90 % do total do fluxo turístico deste Concello.

    Finalmente e dentro da liña 18 destinada á mellora da atención social, executaríanse as obras de mellora e ampliación da Oficina de Servizos Sociais de Chapela dentro das actuacións que melloren os servizos de atención social, obras para ás que se destinarían máis de 200.000 euros.

    Todas estes traballos e iniciativas que se desenvolven ao abeiro da Estratexia DUSI na execución do proxecto Redondela 2020 ‘Construíndo o teu camiño’, “permitirán comezar a deseñar a Redondela do futuro tanto dende o punto de vista de desenvolvemento económico e social, como patrimonial e medioambiental”, destacada a alcaldesa Digna Rivas.

    A rexedora local engade que, a estes proxectos que serán desenvolvidos durante este 2021, engádense outros “que, de aquí ata o final deste mandato, supoñerán un investimento de máis de 4 millóns de euros que redundarán, directamente, na mellora da calidade de vida dos veciños e veciñas”.

    As dúas últimas propostas do Grupo Goberno presentadas aos grupos da oposición municipal, foron a rehabilitación integral do edifico das antigas vivendas dos mestres na Avenida Mendiño, para crear un espazo cultural (museo) que poña en valor o patrimonio cultural de Redondela.

    Esta edificación, que durante años permaneceu no máis total abandono, poderá deste xeito formar parte do inventario municipal, sendo o último trámite para a súa cesión por parte de Patrimonio a aprobación de cambio de usos que será debatido na próxima sesión plenaria.

    O Goberno local destaca a importancia desta obra “dada a reivindicación de diversos colectivos pola creación dun museo etnográfico e un espazo cultural no que dar cabida ao importante número de artistas con que, nas diferentes disciplinas, conta Redondela”.

    A outra proposta presentada foi construción, nos terreos da antiga vía férrea de Chapela non incluídos na Senda Verde, dun skatepark do que, nestes momentos, está en trámite o borrador de contrato de arrendamento que inclúe as edificacións da antiga estación e almacén.

    O Goberno local espera atopar o apoio do resto de grupos municipais para así poder pechar o programa Redondela 2020 e poder executar a totalidade dos fondos europeos no prazo establecido.

    COLABORACIÓNS

    ¡¿Libertad?!

    Hace unas semanas decía Spain is different y hoy me vuelvo a reafirmar en lo dicho. El estado de alarma se acabó en España ante la inoperancia de nuestros políticos; todos ellos, del primero al último, me da igual el color. Nadie ha sido capaz de plantear una alternativa al mismo después de año y pico de pandemia.

    Bea Sanfa, unha visión moi persoal de plans, receitas, viaxes e moito máis

    A día de hoxe podemos dicir que contamos no noso xornal cunha nova colaboración moi interesante e auténtica a cargo da soberina Bea Sanfa. Para nós é unha ledicia poder contar con esta sección que de seguro vos axudará nestes tempos que estamos a vivir.

    Nee Barros Fernández, «Identidade»

    «Identidade» é unha peza teatral que chega a nós como o primeiro traballo de Nee Barros, e nos presenta a un autor ao que haberá que prestar atención na súa andaina polas nosas letras. Poderiamos falar, de primeiras, de que é un texto preñado de sinceridade e rotundidade, pois o título é bastante contundente e, por se houbese algúnha dúbida, leva un subtítulo aínda máis aclaratorio: «A normalidade do non-común». E tal é o alicerce sobre o que se constrúe a súa historia: a revelación da normalidade na construción dunha identidade.

    Colaboradores

    Alberto Aliaga Sola
    4 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    1 POSTS0 COMMENTS
    Manrique Fernández
    38 POSTS0 COMMENTS
    Paz de la Peña
    30 POSTS0 COMMENTS
    Roberto Mera
    1 POSTS0 COMMENTS