11.8 C
Pontevedra
Venres, 21 de Xuño de 2024
Máis
    HomeComarcasRedondelaRedondela da a coñecer o seu patrimonio cultural e artístico a través...

    Redondela da a coñecer o seu patrimonio cultural e artístico a través de roteiros guiados

    A Concellería de Patrimonio organiza catro saídas para coñecer a traza do Camiño de Santiago ao seu paso polo municipio

    O vindeiro domingo, 20 de febreiro, e co percorrido pola traza do Camiño Portugués a Santiago ao seu paso por Redondela sur, o Concello redondelán, a través da Concellería de Patrimonio que dirixe María Castro, en colaboración con A Citania, inicia unha serie de saídas guiadas a fin de coñecer e poñer en valor o abundante patrimonio cultural, histórico e paisaxístico que posúe o municipio.

    A saída será as 10 horas dende a capela de Santiago de Antes, no concello de Mos, para, dende aí comezar un percorrido xa polo municipio redondelán.

    Serán un total de catro rutas que se desenvolverán os derradeiros domingos de cada mes polo que, as seguintes, serán o 27 de marzo na que se percorrerá a traza do Camiño Portugués ao seu paso por Redondela norte; o 24 de abril para percorrer A Portela na súa beira oeste e, finalmente, o 29 de maio, en Rande, para facer o treito entre Regasenda e o Castelo.

    Para máis información sobre as rutas, as persoas interesadas poden acceder á páxina de Facebook AcitaniaGalicia ou chamar ao teléfono 600 381 782

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.