18.7 C
Pontevedra
Luns, 24 de Xuño de 2024
Máis
    HomeComarcasRedondelaRedondela celebra unha “Despedida Interxeracional” do 2020

    Redondela celebra unha “Despedida Interxeracional” do 2020

    Centros educativos, centros de día e as asociacions Afaga, Andaina e Lenda, participaron nunha actividade celebrada no Multiúsos da Xunqueira e retransmitida en directo a través das redes sociais do Concello.

    Despedir un 2020 atípico e facelo de xeito conxunto entre a mocidade e as persoas maiores, era o obxectivo da ‘Despedida interxeracional’ que onte desenvolveuse en Redondela organizada polas concellería de Servizos Sociais e Persoas Maiores, xestionadas pola alcaldesa Digna Rivas.

    Os actos tiña lugar no Multiúsos da Xunqueira, cunha presencia de público mínima e cinguida, case que exclusivamente, as persoas imprescindibles para a realización da actividade, motivo polo que esta ‘despedida’ foi retransmitida en directo a toda a cidadanía a través do Facebook do Concello de Redondela.

    A presentación e animación desta xornada correu a cargo de Troula Animación, nunha clara aposta do Concello por seguir apoiando aos profesionais do espectáculo e á cultura, sectores que, ao igual que outros moitos, foron duramente golpeados por esta crise e tiveron a necesidade de reconverterse aproveitando as novas tecnoloxías.

    O Tai Chi para maiores, que en Redondela sempre tivo unha extraordinaria aceptación, tiña tamén o seu espazo nesta despedida interxeracional e virtual do 2020. Teresa, Fermina, Milabros, Obdulia, Rosa e Pilar, alumnas dos cursos, facían unha exhibición baixo a dirección do monitor Fran Tilve que, ao longo de moitos anos, foi monitor destes cursos e que agora pasará a gozar dunha máis que merecida xubilación.

    Fran Tilve e as súas alumnas na exhibición de Tai Chi

    Foi precisamente este o momento que protagonizou o punto máis emotivo da xornada. Primeiro as flores e o agradecemento do Concello de Redondela, entregadas pola alcaldesa Digna Rivas, coas que se quería recoñecer o traballo de Fran Tilve ao longo dos anos. Logo, chegaba a sorpresa: unha das súas fillas, Naza Tilve, entregáballe outro ramo de flores e, de seguido, as súas alumnas, en nome de todos e todas os que ao longo do tempo recibiron as súas ensinanzas, dedicábanlle unhas palabras enchidas de emoción.

    Homenaxe a Fran Tilve, un momento cheo de emoción

    Finalmente, a alcaldesa Digna Rivas, agradecía na súas palabras, a colaboración de todos os centros educativos participantes, dos centros de día do municipio e das asociacións Afaga, Andaina e Lenda non só nesta iniciativa “senón en todo o que dende o Concello organizouse ao longo do ano para poñer freo a esta pandemia e que sempre contou co apoio unánime de todas e todos vós”.

    Digna Rivas recalcou que, incluso en tempos duros como estes “hai que mirar o lado positivo das cousas e, nese sentido, a COVID conseguiu unirnos máis, traballar a prol dun obxectivo común, reafirmar a solidariedade e a xenerosidade de todas e todos”. A alcaldesa rematou desexando que “con esa responsabilidade que a veciñanza amosou ao longo deste 2020, non teño ningunha dúbida que o vindeiro ano recuperaremos a tan ansiada normalidade”.

    Nesta ‘Despedida interxeracional’ participaron as escolas de educación infantil A Marisma, Ventosela e San Pedro Cesantes; o CEP Santa Mariña; os CEIP Laredo, Porto Cabeiro, Quintela Cedeira e Igrexa-Chapela e o alumnado do Ciclo Medio de Atención a Persoas en Situación de Dependencia do IES Chapela; os centros de Día Redondela-Cesantes, Os Cortizos, Galeón e Arela e as asociacións AFAGA, Andaina e Lenda.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.