15.6 C
Pontevedra
Sábado, 25 de Setembro de 2021
Máis
    HomeComarcasRedondelaRedondela aposta por un «Entroido de Verán» familiar, igualitario e inclusivo

    Redondela aposta por un «Entroido de Verán» familiar, igualitario e inclusivo

    Redondela ultima os preparativos para a celebración dunha das súas festas populares emblemáticas, o «Entroido de Verán» que por parte do Concello busca afastarse o máis posible da imaxe de ‘macrobotellón’ e potenciar a celebración dun evento máis familiar, igualitario e inclusivo.

    O «Entroido de Verán» foi presentado na mañá de hoxe na contorna da Casa da Torre pola acaldesa de Redondela, Digna Rivas e o concelleiro de Cultura Daniel Boullosa.

    Trátase dunha festa que, se ben parte da Concellería de Cultura, “involucra a case que todos os departamentos municipais como Vías e Obras, Medio Ambiente, Seguridade, Igualdade e, por suposto, Cultura”, explicaba Daniel Boullosa.

    O responsable da Cultura de Redondela daba conta polo miúdo dun programa que comezará xa de mañá e que contará “con actuacións itinerantes, dous escenarios principais pero, sobre todo, moita programación infantil e familiar durante toda a mañá e tarde”.

    As actividades, para que “todo o pobo sexa partícipe da festa”, como sinalou a alcaldesa Digna Rivas, desenvolveránse na Alameda, a Xunqueira e na pista de petanca.

    “Sabemos que non imos a mudar ese ‘entroido-botellón’ dun día para outro –explicaba Daniel Boullosa– porque é un problema da sociedade en xeral, pero imos intentar estender a festa a todas as prazas da rúa e intentar mitigar, dentro do posible, o alcoholismo na xuventude e mocidade”.

    A muller terá un papel importante no programa e, nesa liña, haberá unha batukada feminina con Son do Lila e, do mesmo xeito, nas sesións DJ haberá unha DJ de Pontevedra e un DJ local “porque queremos tirar dos grupos locais” afirmaba o responsable de Cultura. Ese é o caso de Chaleco Reflectante “un grupo rock que representa o máis mozo da vila e que estará abrindo os concertos”.

    Pola súa banda, a alcaldesa Digna Rivas, deixaba clara a aposta do Concello por un «Entroido de Verán» familiar, igualitario, inclusivo e diverso. “Queremos que os veciños e veciñas de Redondela sexan parte deste Entroido”.

    Digna Rivas: “queremos darlle a importancia que merecen aos grupos locais, ao noso, ao de Redondela e tamén da comarca”

    Aseguraba Rivas que non se buscaba un programa cunha ‘actuación estrela’ porque “todos e todas os que están aquí, nesta programación, son importantes”.

    A rexedora local recalcaba o sinalado por Daniel Boullosa sobre a participación dos grupos ‘da casa’ porque, sinalou, “queremos darlle a importancia que merecen aos grupos locais, ao noso, ao de Redondela e tamén da comarca”.

    Na súa faceta de concelleira de Igualdade, a alcaldesa de Redondela felicitaba ao concelleiro de Cultura “por visibilizar o empoderamento da muller no programa, cunha forte presenza feminina”. “Temos moitísimas mulleres relacionadas coas artes e a cultura ás que lle temos que dar a importancia que merecen”, subliñou Digna Rivas.

    Nese sentido salientaba a presenza cunha muller CJ “porque parece que só hai homes nesta faceta da música e non é así, hai mulleres DJ e moi boas é, polo tanto, hai que darlle a súa sona”.

    Daniel Boullosa: “pouco a pouco os hostaleiros teñen que voltar a participar na organización deste festival”

    Insistía a alcaldesa no feito de que o programa que se presentaba, con actividades durante toda a mañá e toda a tarde quería transmitir a mensaxe “dun entroido familiar e ir facendo que o botellón se vaia retirando”. Con este programa elaborado pola Concellería de Cultura, recalcou “queremos transmitir que dende o Concello non imos fomentar o botellón”.

    Digna Rivas e Daniel Boullosa explicaron a non celebración do concurso de Drag Queen, senon que logo de consultalo con colectivos LGTBIQ estes sinalaron que preferían “que non se celebrase ese concurso” e que se dera visibilidade ao colectivo con otro tipo de actividades.

    Boullosa remataba sinalando que, se ben as actividades programadas polo Concello remataban ás 12:30 da noite, o Entroido continuaba pasando o protagonismo á hostalería “é o público pode seguir a festa nas terrazas e nos bares”.

    Explicou o concelleiro de Cultura que o Entroido de Verán nacía hai 23 anos “da man dos hostaleiros, logo foi asumido polo Concello, pero pouco a pouco os hostaleiros teñen que voltar a participar na organización deste festival”.

    COLABORACIÓNS

    Saliente de guardia

    El volumen de la canción y un discreto codazo de mi mujer me devolvieron a la realidad. El homenajeado sonreía frente a las velas encendidas de la tarta y los invitados entonaban el 'cumpleaños feliz'. Yo tenía la mirada perdida pero, tras el aviso, me incorporé a las últimas notas y al aplauso final.

    Entrevista a Carlos García Vaso

    Escribir sobre Azul y Negro es un orgullo, ya no solo por ser parte de la historia de nuestra música (¿Quién no recuerda las melodías / himnos que hicieron para varias Vueltas Ciclistas a España?) sino por que nunca fueron de divos y siempre estuvieron cerca de sus fans. Acaban de publicar nuevo disco (el Covid los volvió a unir a la formación original) y por tal motivo charlamos con Carlos.

    ¡Indultos!

    Hace unas semanas fue la época de los indultos. Por un lado, se indultaron a los "díscolos catalanes" que quisieron "separarse de la madre patria" para ocultar las vergüenzas de tantos años de corrupción ya que, si no no se entiende. Ni historia ni, sobre todo los datos económicos, lo sostienen por ningún lado.

    Xesús Constenla, «O peso do cerebro»

    Xesús Constenla xa nos ten acostumados a unha narrativa arriscada e alonxada de tópicos, o que non deixa de ser un aliciente para calquera lector. Agora, con «O peso do cerebro», mantense firme nesta liña de traballo para adentrarse no confuso mundo de don Honorio, un vello afectado de demencia senil que un día, aproveitando un despiste da súa neta, Paula, sae da casa e vaga sen rumbo pola cidade de Barco (doadamente identificable co Ferrol natal do autor), un espazo que, coma o protagonista, coñeceu mellores tempos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    4 POSTS0 COMMENTS
    Manrique Fernández
    44 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS