13.9 C
Pontevedra
Sábado, 22 de Xuño de 2024
Máis
    HomeComarcasRedondelaOs traballadores de Vulcano que «peregrinan» a Santiago fan un alto en...

    Os traballadores de Vulcano que «peregrinan» a Santiago fan un alto en Redondela

    O persoal do estaleiro vigués mantivo un encontro con membros do Goberno local para solicitar o seu apoio ante a “situación desesperada” na que se atopan

    Os traballadores do estaleiro vigués de Vulcano que hoxe saían de Vigo para percorrer, en catro etapas o Camiño de Santiago ata a capital Galega e que hoxe faran noite en Redondela, mantiveron ao mediodía unha xuntanza co equipo de Goberno redondelán encabezado pola súa alcaldesa Digna Rivas.

    Os traballadores, que chegarán a Santiago o venres logo de facer catro etapas da Ruta Xacobea, explicaron ao executivo local redondelán a súa intención de “conseguir manter unha xuntanza co conselleiro de Industria e que esta faga fronte aos compromisos adquiridos co estaleiro”. Entre os compromisos, explicaron os traballadores en Redondela, estaba o de atopar inversores para que a empresa puidera seguir en funcionamento no caso de chegar á situación de liquidación na que agora está o estaleiro vigués.

    Digna Rivas trasladoulle a súa solidariedade e o compromiso do seu Goberno “a apoiar, na medida das nosas posibilidades, aquelas medidas que sirvan manter e reforzar o tecido industrial da comarca e, neste caso concreto, a dar solución ás numerosas familias de toda a comarca que dependen do funcionamento deste emblemático estaleiro”.

    A alcaldesa redondelá asegurou facerse eco da voz de todos concelleiros e concelleiras do grupo de goberno ao asegurar que “Redondela non pode dar as costas aos traballadores e traballadoras na defensa dos seus postos de traballo” e sinalou a importancia que ten o sector naval, “que supón un motor económico non só para Vigo, senón para toda a comarca”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.