A Sociedade Cultural do Viso vén de comezar o curso lectivo despois do parón do verán no mes de setembro co curso de gaita tradicional e percusión impartido por Manuel Cruces, gaiteiro do grupo Tanto Nos Ten, os venres pola tardiña. Nesta actividade aínda quedan prazas dispoñibles para quen desexe adentrarse na cultural musical tradicional.
Os martes pola tarde retomáronse o curso pandeireta e canto tradicional, impartido este por Luis Prego, músico do grupo Ardentía, a partir das 18:30 h. Tamén nos vindeiros días comezará un curso de restauración e tapicería dentro do programa “Depo en Marcha” da Deputación de Pontevedra. Ambos cursos xa contan coa maioría de prazas cubertas.
Dentro do programas “Conectadas” da Deputación ofrécese un curso de Artesanía en Coiro para as tardes dos mércores. Este conta con prazas dispoñibles.
Para recibir máis información destes cursos, os interesados pódense dirixir ao correo electrónico acsmviso@gmail.com ou ao teléfono 656938058.
