17.6 C
Pontevedra
Luns, 15 de Abril de 2024
Máis
    HomeComarcasRedondelaO Concello de Redondela traslada as feiras que coincidan en día laborable...

    O Concello de Redondela traslada as feiras que coincidan en día laborable ao domingo máis próximo

    A feira que tiña que celebrarse o día 6 de abril, ao coincidir en martes, adiántase a este próximo domingo 4 de abril

    As feiras que habitualmente celebrábanse en Redondela os días 6 e 21 de cada mes, cambiarán a súa data –cando esta coincida en día laborable– para celebrarse no domingo máis próximo. O cambio adoptado polo Goberno local permite pechar ao tráfico rodado a Avenida Mendiño; instalar o 100 % dos postos, mantendo entre eles a distancia de seguridade marcada polas autoridades sanitarias e, ao mesmo tempo, facilitar o distanciamento entre as compradoras e compradores.

    A nova medida foi explicada esta semana ao colectivo de vendedores e vendedoras polo concelleiro de Feiras e Mercados, Vicente Lamas, e entrará en vigor de inmediato de tal xeito que a feira que tería que celebrarse o vindeiro martes, 6 de abril, adiántase ao domingo día 4 de abril.

    Non se pode esquecer que a Avenida Mendiño é unha vía que rexistra unha alta densidade de tráfico rodado ao ser o acceso natural aos institutos e centros escolares, pavillón de deportes, conservatorio, piscina municipal e centro de saúde. Por ese motivo, explica a alcaldesa Digna Rivas, “o seu peche en día laborable é impensable e de manter as feiras nos seus días habituais, obrigaría a reducir o número de postos para poder cumprir as normas sanitarias establecidas”.

    En todo caso, e pese ao peche ao tráfico rodado da Avenida Mendiño durante a feira, quedará habilitado un corredor que, en caso de necesidade, permita o paso de ambulancias ao centro de saúde ou aos servizos de emerxencia.

    A alcaldesa de Redondela subliñou a necesidade deste cambio “para poder desenvolver unhas feiras que constitúen un elemento dinamizador da economía local e, ao mesmo tempo, non baixar a garda nas medidas de prevención sanitaria”.

    Segundo a nova medida, as feiras ata o mes de decembro, desenvolveranse nas datas que figuran no seguinte cadro:

    MesesDía de celebración
    AbrilDomingo 4 de abril
    AbrilDomingo 25 de abril
    MaioDomingo 9 de maio
    MaioDomingo día 23 de maio
    XuñoDomingo día 6 de xuño
    XuñoDomingo día 20 de xuño
    XulloDomingo día 14 de xullo
    XulloDomingo día 25 de xullo
    AgostoDomingo día 8 de agosto
    AgostoDomingo día 22 de agosto
    SetembroDomingo día 5 de setembro
    SetembroDomingo día 19 de setembro
    OutubroDomingo día 3 de outubro
    OutubroDomingo día 24 de outubro
    NovembroDomingo día 7 de novembro
    NovembroDomingo día 21 de novembro
    DecembroLuns día 6 de decembro
    DecembroDomingo día 19 de decembro

    Estas datas serán mantidas sempre que o concello de Redondela non rexistre un nivel alto de risco sanitario e non se atope en situación de peche perimetral.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.