17.7 C
Pontevedra
Xoves, 23 de Maio de 2024
Máis
    HomeComarcasRedondelaConcello de Redondela e Sociedade Labrego Cultural de Reboreda inician unha campaña...

    Concello de Redondela e Sociedade Labrego Cultural de Reboreda inician unha campaña de concienciación sobre os lumes

    Dende o xoves 27 de maio, o local da Cultural de Reboreda loce na fachada de cristal unha composición gráfica, en vinilo translúcido, que representa un bosque queimado na planta superior e un bosque cheo de vida na parte inferior da fachada. A mensaxe é tan curta como contundente: ‘ISTO ou ISTO’.

    Click para ampliar

    A composición está pensada para que, dende o interior da casa cultural, dea sensación de estar dentro dun bosque en chamas e dentro dun bosque cheo de vida. Amais, chegada a noite, as luces interiores da cultural daranlle luz a composición.

    A Sociedade Labrego Cultural de Reboreda sumándose a Concellería de Medio Ambiente, organiza este vindeiro sábado, 29 de maio ás 22:00 horas e no aparcadoiro do centro, unha proxección ao aire libre da película ‘O que arde’ para concienciar a veciñanza dos danos que causan os incendios que arrasan constantemente o medio rural e a biodiversidade dos nosos montes.

    O deseño desta composición foi realizada polas alumnas e alumnos do Obradoiro de Garantía Xuvenil Redondela TIC.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.