22.5 C
Pontevedra
Luns, 15 de Abril de 2024
Máis
    HomeComarcasRedondelaAs feiras e mercados de Redondela recuperan a súa data habitual de...

    As feiras e mercados de Redondela recuperan a súa data habitual de celebración

    As novas disposicións da Xunta permiten que os mercados con menos de 150 postos “poidan dispoñer do 100 % dos postos habituais ou autorizados”

    As feiras e mercados de Redondela volven a retomar os seus días habitual de celebración –6 e 21 de cada mes para Redondela e 2 e 16 para Chapela– logo das novas directrices da Xunta de Galicia con respecto ás medidas de prevención específicas adoptadas como consecuencia da evolución epidemiolóxica da COVID-19.

    As novas normas sinalan que aquelas feiras e mercados con menos de 150 postos, caso de Redondela e Chapela, “poderán dispoñer do 100 % dos postos habituais ou autorizados”, polo que o municipio redondelán volverá á normalidade no que atinxe á data de celebración das súas feiras.

    Cómpre lembrar que, no seu momento, o Concello tiña cambiado a data de celebración da feira de Redondela –pasándoa aos domingos–, a fin de poder manter o 100 % dos postos e ao mesmo tempo cumprir coa normativa vixente. Dito traslado permitía a ocupación, na súa totalidade, da Avenida Mendiño sen ocasionar excesivos problemas de circulación ao ser día non laborable e non lectivo e, como consecuencia, rexistrar unha baixa densidade de tráfico rodado.

    O concelleiro de Feiras e Mercados, Vicente Lamas, cualificou de “positiva” esta medida que indica “que estamos camiñando na dirección correcta á hora de frear a pandemia da COVID-19” aínda que lembrou que por parte do Concello de Redondela, “seguirán a manterse as medidas de prevención e protección sanitaria habituais como o uso de máscara de protección e itinerarios de entrada e saída para evitar aglomeracións”.

    Pola súa banda, Digna Rivas, recalcou a necesidade de “non baixar a garda” e seguir facendo gala “da responsabilidade que a cidadanía de Redondela amosou nos momentos máis duros e complicados desta crise”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.