14.7 C
Pontevedra
Domingo, 5 de Febreiro de 2023
Máis
    HomeComarcasRedondelaA Xunta informa ao Concello de Redondela da modificación de liñas no...

    A Xunta informa ao Concello de Redondela da modificación de liñas no transporte interurbano dúas semanas despois da súa posta en marcha

    O Goberno local de Redondela considera “inaceptable” a falta de “respecto institucional” da Xunta de Galicia e a “carencia de ética” do PP local que convocou unha reunión coa veciñanza “utilizando o logotipo do Concello”

    A alcaldesa de Redondela, Digna Rivas, reuniuse onte co xefe territorial de Infraestruturas e Transporte, José Luis Díaz Yáñez, para coñecer polo miúdo os cambios de liñas no transporte interurbano e como estes afectarán ás veciñas e veciños de Redondela. A rexedora local expresoulle ao responsable provincial de Infraestruturas o seu malestar “pola falta de respecto institucional da Xunta co Concello de Redondela e coa súa veciñanza” ao informar ao Goberno local “case que dúas semanas despois do cambio de liñas” e, entretanto, “a cúpula do PP local, amosando unha preocupante falta de ética institucional”, celebrara unha “reunión informativa” cos veciños e veciñas de Cabeiro, San Estevo e Vilar no Centro Cultural desta última parroquia.

    O Equipo de Goberno considera amais “inaceptable”, que a convocatoria “partidista e claramente electoralista” fora realizada polos populares utilizando o logo do Concello de Redondela.

    Unha vez coñecidos os cambios nas liñas de transporte interurbano, o Concello de Redondela solicitara “unha reunión de carácter urxente” para ser informado sobre a repercusión que dito cambio de liñas tería na veciñanza. A reunión convócase por parte da Xunta para o para o venres 28 de febreiro “data na que eu tiña que asistir, obrigatoriamente, ao Consello de Administración da Autoridade Portuaria de Vigo, unha curiosa coincidencia porque era un máis que coñecido polo PP de Redondela”, explica a alcaldesa de Redondela.

    Esa mesma tarde “e faltando ás máis elementais normas ética institucional” o PP convoca unha reunión cos veciños e veciñas de Cabeiro, San Estevo e Vilar para explicar a situación, reunión na que tamén estaba presente o xefe territorial de Infraestruturas e Transportes. “É dicir, –apunta a alcaldesa– o PP convoca unha reunión en tempo preelectoral para explicar aos veciños e veciñas como solucionar un problema que os propios populares crearon dende a Xunta de Galicia”.

    Na reunión de onte con José Luis Díaz Yáñez, acordouse facer unha nova reunión cos veciños das anteditas parroquias “incluíndo tamén a veciñanza de Trasmañó e Chapela” que están afectados pola reordenación das liñas de transporte interurbano.

    Asi mesmo, facilitarase á veciñanza que fagan as súas achegas e suxestións para facelas chegar á Xunta de Galicia “previo paso polo departamento técnico do Concello”. Digna Rivas subliñaba que “este Goberno, ao contrario que facía o anterior executivo do PP, traballa sempre da man dos técnicos e técnicas”.

    A rexedora local considera “estraño á vez que irresponsable” que por parte do PP se lle diga á veciñanza que poden presentar propostas directamente “a sabendas que a veciñanza non ten os coñecementos técnicos precisos para que ditas propostas sexan tidas en conta”.

    En todo caso, Digna Rivas reafirmase na súa intención de “facer valer os dereitos dos veciños e veciñas” pese aos “burdos e torpes intentos do PP de sacarlle rendibilidade electoral a un serio problema co que se enfronta a veciñanza no que é unha clara falta de respecto a veciños e veciñas”, conclúe.

    COLABORACIÓNS

    Antía Otero, «Barroco»

    É posible que todo viñese suxerido polo título do novo poemario de Antía Otero, «Barroco», pero ao mergullarme nas súas páxinas vivín a sensación de pasear por unha galería de arte na que cada un dos poemas era, en realidade, un cadro ou unha peza escultórica que a autora describía con detalle.

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    78 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS