14.9 C
Pontevedra
Venres, 20 de Maio de 2022
Máis
    HomeComarcasRedondelaA Concellería de Medio Ambiente propón tres actividades para conmemorar o Día...

    A Concellería de Medio Ambiente propón tres actividades para conmemorar o Día Mundial da Reciclaxe

    A Concellería de Medio Ambiente do Concello de Redondela que dirixe Alberto Álvarez vén de dar a coñecer tres propostas para toda a familia, que se desenvolverán entre maio e xuño, e coas que se quere conmemorar o Día Mundial da Reciclaxe.

    A primeira das actividades será unha Xincana Infantil que terá lugar sábado 21 de maio. Cómpre sinalar que esta actividade, foi adiada ata o día 21 ao coincidir a celebración do Día Mundial da Reciclaxe, o 17 de maio, coa celebración do Día das das Letras Galegas.

    Esta xincana infantil, que se desenvolverá entre as 17 horas e as 20 horas, está pensada para nenos e nenas de máis de 5 anos e o punto de saída será a Praza do Concello. As e os participantes serán distribuídos en equipos de 6 a 8 compoñentes e cun adulto responsable por cada un dos equipos.

    Aínda que a actividade é de balde, será precisa inscrición previa e todas e todos os participantes recibirán un agasallo.

    O venres 3 de xuño, chegará outra proposta ideada para toda a familia como é unha xornada de Observación do Ceo Nocturno. Trátase dunha actividade de observación astronómica para toda a familia na que, da man dun guía especializado, as persoas participantes recibirán explicacións sobre as estrelas máis importantes, as constelacións visibles e os métodos de orientación que se poden seguir a través do ceo nocturno.

    A actividade desenvolverase no campo de fútbol de Tuimil, no Viso, entre as 22:30 horas e as 00:30 horas e será necesaria reserva previa.

    Finalmente, o sábado 4 de xuño, a Concellería de Medio Ambiente propón unha actividade centrada na enseada de San Simón, como é un paseo en kaiak e paddle surf que permitirá coñecer os valores naturais da contorna dende unha óptica diferente.

    O horario será de 10 h a 14 horas con saída dende o porto de Cesantes. O prezo desta actividade é de 15 euros, prezo bonificado polo Concello de Redondela.

    Para reservar praza en calquera das actividades, as persoas interesadas poden facelo a través do teléfono 986 401 715 ou do enderezo de correo electrónico turismo@redondela.gal

    COLABORACIÓNS

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Brillante papel do CN Ponteareas nos campionatos de España de Torremolinos

    Torremolinos, en Málaga, foi a sede do XXII campionato de España “Open” Absoluto–XXXVIII Campionato de España júnior, que se disputou en piscina de 50 metros do 9 ao 13 de abril. O evento congregaba aos principais nadadores e nadadoras nacionais e foi retransmitido en directo pola canle Teledeporte.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    63 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS