17.5 C
Pontevedra
Luns, 15 de Abril de 2024
Máis
    HomeComarcasRedondelaA Casa de Papá Noel mantén viva a ilusión polo Nadal dos...

    A Casa de Papá Noel mantén viva a ilusión polo Nadal dos nenos e nenas de Redondela

    A casa na que se aloxará estes días mentres estea no municipio, quedou instalada na Alameda Castelao onde os nenos, gardando as medidas de seguridade, poderán saudalo e facerlle 'pedidos de última hora'

    A Casa de Papá Noel, que o martes abría as súas portas pese as condicións meteorolóxicas adversas, estase a converter nun dos atractivos deste Nadal para os nenos e nenas de Redondela. Cúmprese dese xeito, un dos obxectivos fundamentais do Concello de Redondela nestas festas que non é outro “que conseguir, pese á Covid e a situación sanitaria, que os nosos nenos e nenas non perdan a ilusión e que poidan gozar dun Nadal cheo de ilusión, ledicia e actividades”.

    Precisamente as medidas de seguridade sanitaria farán que, este ano, a visita á Casa de Papá Noel sexa diferente á do ano pasado. Nenos e nenas non poderán acceder ao interior da casa –aínda que poderán mirala dende a porta e as ventás– e Papá Noel os saudará e falará con cada un deles dende a porta.

    “O importante é que Papá Noel estea aí, que a pesar da pandemia, teña vido a Redondela a esta casa que temos especialmente preparada para el e que poidan recibir as peticións das e dos máis pequenos do municipio”.

    A Casa de Papá Noel terá un amplo horario de visita para evitar as aglomeracións. Así dende onte día 15 de decembro e ata o 23 de decembro, nenas e nenos poderán achegarse a saudar a Papá Noel entre as 17 horas e as 19:30 horas.

    O día 24 de decembro, véspera de Nadal, o horario amplíase e a casa estará aberta de 11 h e 14 horas e de 16:30 h a 19 horas.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.