17.6 C
Pontevedra
Luns, 17 de Xuño de 2024
Máis
    HomeO CondadoSalvaterra de MiñoSalvaterra de Miño acolle a presentación do 'IV Raid do Condado-Marqués de...

    Salvaterra de Miño acolle a presentación do ‘IV Raid do Condado-Marqués de Vizhoja’

    A Casa do Concello de Salvaterra de Miño acolleu na mañá de hoxe a presentación unha nova edición do ‘Raid do Condado-Marqués de Vizhoja’, a cuarta, que dará comezo o venres 30 de agosto e terá a súa clausura no Pazo La Moreira, das adegas Marqués de Vizhoja, en Arbo, o domingo 1 de setembro.

    A presentación deste evento deportivo estivo presidido pola alcaldesa de Salvaterra de Miño, Marta Valcárcel, á que acompañaban o tenente de alcalde Ernesto Groba; o concelleiro de Deportes Edgar Martínez; a concelleira de Deportes do Concello de Arbo, Vicenta Rodríguez; o concelleiro de Deportes do Concello das Neves, Óscar González; Javier Alvelo representante do FEGADO; Diego Fernández, presidente do Club Marqués de Vizhoja-Cornelios e Jorge Peláez, presidente y propietario das adegas ‘Marqués de Vizhoja’.

    A proba contará, como todos os anos, con equipos chegados dende diferentes comunidades autónomas ao ser, como se comentou na presentación do evento, “unha data que anotan en vermello para non perdela por todo o que gozan tanto na durísima carreira, que terá unha duración de dous días, coma na recepción e na entrega de premios” acto, este último, que terá lugar no pazo do século XVIII Torre La Moreira, sede das adegas ‘Marqués de Vizhoja’.

    O venres 30 de agosto recibiranse aos primeiros equipos e procederase á entrega de dorsais e pinzas a cada un dos compoñentes dos equipos, pinzas coas que terán que convivir estes dous días, dado que nelas almacénanse todos os datos para a súa descarga nas seccións que indique a organización e posteriormente configurar o pódium do evento

    O sábado 31 de agosto seguiranse entregando dorsais a aqueles equipos que se desprazan o mesmo día do evento para posteriormente, ás 9:00 h tomar a saída e dar así inicio ao IV Raid do Condado.

    O evento está organizado polo Club Marqués de Vizhoja-Cornelios e conta coa colaboración dos concellos de Arbo, As Neves, A Cañiza e Salvaterra de Miño.

    Un encontro deportivo cuxo obxectivo é a promoción turística do Condado Paradanta, “ademais de vincularse coa sociedade a través de colaboracións coa asociación ‘Fibrose Quística de Galicia’, apoio que vén dándose desde os comezos do Club”, sinalaron na presentación do Raid.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.