15 C
Pontevedra
Martes, 23 de Abril de 2024
Máis
    HomeO CondadoSalvaterra de MiñoO Goberno de Salvaterra doará o 30% do seu salario de abril...

    O Goberno de Salvaterra doará o 30% do seu salario de abril para a loita contra o COVID-19

    O Grupo de Goberno do Concello de Salvaterra de Miño, con adicación, doará o 30 % do seu soldo do mes de abril para a loita contra o COVID-19 (coronavirus). A alcaldesa Marta Valcárcel, os dous Tenentes Alcalde con adicación exclusiva e o concelleiro de Xuventude e Deportes, con adicación parcial, donarán a antedita porcentaxe da súa nómina do mes de abril para que sexa destinado a Servizos Sociais do Concello.

    Será, sinala Marta Valcárcel, “un xeito de contribuír a atención das necesidades máis urxentes de todas aquelas persoas ou familias que están atravesando por unha situación complicada a consecuencia da situación que estamos a vivir”.

    Cancelación actos de Fátima, Festas do Cristo e San Xoán

    Ante a declaración do estado de alarma decretado polo Goberno de España por mor do coronavirus, o Concello de Salvaterra de Miño anunciou xa a cancelación dos actos de Fátima, Festa do  Cristo e San Xoan, ademais de diversos actos que se ían levar a cabo durante os próximos meses.

    O diñeiro que o Concello ía a destinar a esas celebracións, sinala a alcaldesa Marta Valcárcel, destinarase ao departamento de Servizos Sociais, co fin de facer fronte as necesidades máis urxentes da poboación máis vulnerable.

    Nese sentido, o concello centrará os seus esforzos en reforzar este departamento co fin de cubrir ao máximo as necesidades das persoas e familias máis necesitadas.

    A celebración dos demáis actos previstos para o verán, “serán analizados segundo a evolución da pandemia”, asegura a alcaldesa de Salvaterra de Miño.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.