10.2 C
Pontevedra
Mércores, 19 de Maio de 2021
Máis
    HomeO CondadoSalvaterra de MiñoO espazo público singular de Salvaterra de Miño obtén a marca "Q...

    O espazo público singular de Salvaterra de Miño obtén a marca “Q de Calidade Turística”

    O Espazo Público Singular de Salvaterra de Miño, entorno conformado polo Museo da Ciencia do Viño e a Casa do Conde, ven de conseguir a Marca “Q de Calidade Turística”.

    Se hai uns meses o Concello de Salvaterra de Miño asinaba a adhesión do Castelo de Dona Urraca á “Red Nacional de Patrimonio Histórico Castillos y Palacios de España”, hoxe suma un novo selo distintivo que recoñece o esforzo e o compromiso coa calidade e a mellora continua.

    O conxunto arquitectónico conformado polo Museo da Ciencia do Viño e a Casa do Conde é un espazo de uso que destaca polo seu alto valor patrimonial, histórico e cultural, así coma polo carácter divulgativo da actividade vitivinícola local.  É unha realidade, que dende a inauguración deste espazo museístico, en febreiro do ano 2019, o municipio de Salvaterra de Miño estase a converter nun destino turístico de referencia tanto a nivel nacional coma internacional.

    A marca de garantía “Q  Calidade Turística” é unha marca española de recoñecido prestixio dirixida á certificación voluntaria dos servizos turísticos. Este selo supón o recoñecemento da implantación dun sistema de xestión que garante ós clientes dos establecementos niveis altos de calidade, tanto nas instalacións coma nos servizos prestados. Esta distinción expídea o Instituto para a Calidade Turística Española (ICTE) e está amparada pola Secretaría de Estado de Turismo, contando co apoio da Xunta de Galicia neste caso.

    Unha organización turística obtén a “Q de Calidade Turística” cando evidencia o cumprimento dos requisitos técnicos que a súa norma correspondente ditamina. Ademais, os establecementos avalados con este distintivo teñen que pasar estritas auditorías que aseguran que a prestación de servizo é garantía de calidade, seguridade e profesionalidade, co fin de asegurar ós clientes a mellor experiencia turística posible.

    A obtención da Marca implica, a nivel externo, para os establecementos un aumento da satisfacción dos seus clientes (fomentando a fidelización directa e indirecta), unha mellora na reputación da organización e a ostentación dun selo diferencial fronte o cliente potencial. A nivel interno, mellora a xestión e eficacia das actividades que se realizan, optimiza os recursos, motiva o persoal e establece un sistema para controlar de forma eficaz o desempeño da organización.

    En resumen, a marca “Q de Calidade Turística” aporta ós establecementos turísticos adheridos que a ostentan prestixio, diferenciación, fiabilidade, rigorosidade e promoción. O Espazo Público Singular de Salvaterra de Miño, coa obtención deste distintivo de calidade, ven de subir un chanzo máis na súa meta cara a excelencia turística.

    COLABORACIÓNS

    ¡¿Libertad?!

    Hace unas semanas decía Spain is different y hoy me vuelvo a reafirmar en lo dicho. El estado de alarma se acabó en España ante la inoperancia de nuestros políticos; todos ellos, del primero al último, me da igual el color. Nadie ha sido capaz de plantear una alternativa al mismo después de año y pico de pandemia.

    Bea Sanfa, unha visión moi persoal de plans, receitas, viaxes e moito máis

    A día de hoxe podemos dicir que contamos no noso xornal cunha nova colaboración moi interesante e auténtica a cargo da soberina Bea Sanfa. Para nós é unha ledicia poder contar con esta sección que de seguro vos axudará nestes tempos que estamos a vivir.

    Nee Barros Fernández, «Identidade»

    «Identidade» é unha peza teatral que chega a nós como o primeiro traballo de Nee Barros, e nos presenta a un autor ao que haberá que prestar atención na súa andaina polas nosas letras. Poderiamos falar, de primeiras, de que é un texto preñado de sinceridade e rotundidade, pois o título é bastante contundente e, por se houbese algúnha dúbida, leva un subtítulo aínda máis aclaratorio: «A normalidade do non-común». E tal é o alicerce sobre o que se constrúe a súa historia: a revelación da normalidade na construción dunha identidade.

    Colaboradores

    Alberto Aliaga Sola
    4 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    1 POSTS0 COMMENTS
    Manrique Fernández
    38 POSTS0 COMMENTS
    Paz de la Peña
    30 POSTS0 COMMENTS
    Roberto Mera
    1 POSTS0 COMMENTS