15 C
Pontevedra
Martes, 23 de Abril de 2024
Máis
    HomeO CondadoSalvaterra de MiñoO Concello de Salvaterra aproba as axudas ao sector do comercio afectado...

    O Concello de Salvaterra aproba as axudas ao sector do comercio afectado pola pandemia

    O prazo de solicitude das axudas será do 3 ao 23 de setembro

    Un dos sectores máis afectados pola situación sanitaria provocada pola Covid-19 , sen lugar a dúbidas, é o sector do comercio, afectado pola reducción de horarios de apertura e limitacións de aforo, así como polos peches temporais que viñeron impostos a un gran número de negocios.

    O Concello de Salvaterra de Miño ven de aprobar unha serie de axudas económicas para paliar, en parte, os gastos xerados polos sectores económicos (hostalería, comercio, axencias de viaxes, ximnasios ou similares, sempre que sexan pemes con ata 10 persoas empregadas e autónomos) que viron afectada a súa actividade durante a pandemia, co fin de que os prexudicados por esta situación poidan sufragar os gastos fixos realizados ou devindicados entre o 14 de marzo de 2020 ata o 31 de decembro de 2021. Este prazo de axudas abrirase mañá venres 3 de setembro, e poderanse solicitar ata o 23 deste mesmo mes.

    O importe destinado a esta convocatoria é de 28.624,41 euros, ao abeiro da Liña 2 do Plan Concellos 2021 da Deputación de Pontevedra.  Unha axuda que complementa os 38.000,00€ que o Concello de Salvaterra de Miño aportou ao 2º Plan de Rescate da Xunta de Galicia para chegar de forma axil e directa ao sector da hostalería.

    A axuda consistirá nunha cantidade única coa que se apoia o compromiso de manter a actividade económica e o emprego.

    1. Concederase unha cantidade fixa de 800 € para as persoas físicas ou xurídicas que realicen unha actividade que se viu obrigada ao peche de actividade.
    2. Concederase unha contía fixa de 400 € para as persoas físicas ou xurídicas que realicen unha actividade que non se viu afectada polo peche de establecementos obrigatorio, sempre e cando exista unha reducción de facturación igual ou superior ó 40%, con relación á media do ano 2019.

    No caso de non poder realizarse a comparativa por tratarse dunha empresa creada no ano 2020, terase en conta o anterior trimestre do ano 2020, ou aquel de maior facturación aos efectos de acreditar este extremo.

    Toda a información relativa a estas axudas está dispoñible na páxina web do Concello  https://concellodesalvaterra.sedelectronica.gal/info.0.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.