O Club de Petanca Condado Salvaterra participará nos campionatos de España que se celebrarán en outubro en Palma de Mallorca

O Club de Petanca Condado Salvaterra vén de certificar a súa presenza nos campionatos de España que terán lugar os vindeiros días 17 e 18 de outubro en Palma de Mallora. A presenza nesta cita do club salvaterrense consegiuse esta pasada fin de semana logo de quedar primeiro clasificado na fase previa Campeonatos de España Dupletas de Segunda, disputada nas pistas da ACD Xestas e sempre baixo o protocolo FisiCovid-DXTGalego Petanca.

O Club de Petanca Condado Salvaterra participaba nesta previa con dous equipos quedando o segundo deles nun máis que meritorio quinto posto.

O Club fundábase en novembro do 2004 iniciando a súa andaina deportiva na Liga de Petanca no ano 2005. O presidente do Club amosaba a súa satisfacción non só polos resultados acadados, senón “pola loita diaria dos e das deportistas nun calendario deportivo moi dificil neste ano”.