10.6 C
Pontevedra
Sábado, 2 de Marzo de 2024
Máis
    HomeO CondadoSalvaterra de MiñoAberto o Punto Limpo Básico de Tratamento Ecolóxico de Residuos para Autocaravanas...

    Aberto o Punto Limpo Básico de Tratamento Ecolóxico de Residuos para Autocaravanas en Salvaterra de Miño

    O Concello de Salvaterra de Miño informa que  xa están rematadas as obras, e polo tanto aberto,  queda aberto o Punto Limpo Básico de Tratamento Ecolóxico de Residuos para Autocaravanas, dende a fin de semana pasada. Nestes poucos días que leva aberto, o Concello ven de corraborar a grande incidencia e demanda que tiñan os usuarios deste tipo de vehículos na nosa zona, xa que en solo un par de días que leva habilitado e sen sequera publicidade,  máis dunha decena de autocaravanas achegáronse ao novo punto, ubicado ao final do Parque Público A Canuda.

    Convén  dicir que o auxe do turismo de autocaravana cobrou unha magnitude moi importante nos últimos anos. Estímase que o parque total destessec vehículos na Unión Europea alcanza 1.500.000, chegando cada ano a España ao redor de 450.000 autocaravanas superando de este xeito a visita de 900.000 turistas. Cómpre ter en conta que o turismo itinerante en autocaravana está presente ao longo de todo ano.

    Para captar este tipo de turismo é importante ter unha pequena infraestructura que permita que estes vehículos poidan vaciar os seus depósitos de augas grises e negras, para enchelos novamente. Por tanto, dispor deste tipo de áreas constitúe un factor determinante na planificación das rutas escollidas para as visitas gastronómicas, cultural, compras… en definitiva,  supón un aumento considerable de turistas que incrementará notablemente a economía local.

    A zona de implantación do “PUNTO LIMPO DE SERVIZOS PARA AUTOCARAVANAS” está ubicado nunha parcela de 4.750 m2 situada no extremo occidental do Parque de “A Canuda”, da que se ocupa  900m2.

    Coa posta en funcionamento deste servicio o Concello de Salvaterra de Miño busca potenciar o desenvolvemento económico, social e cultural así como de una manera clara apostar por seguir potenciando o turismo no municipio que ofrece unha oferta turística ampla e variada, dende o ámbito cultural e histórico ao medioambiental, co Parque Público A Canuda, cos máis de 30km de sendas verdes polos seus ríos, o Recinto Amurallado, o Museo da Ciencia do Viño ou o Espazo Termal Lúdico de Teans, son un exemplo calro do potencial turístico co que conta o Concello.

    Esta é unha obra financiada polo Plan Concellos 2020 da Deputación de Pontevedra.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.