As parroquias de Salvaterra, Cabreira, Leirado, Meder e Arantei acollerán dende o último venres de setembro e os catro primeiros de outubro diversas actividades de animación e dinamización enfocados a fomentar o hábito da lectura entre os nenos e nenas de Salvaterra de Miño.
Dun xeito fresco e divertido a Biblioteca Municipal sae a rúa, viaxa polas parroquias, ofrecendo aos máis cativos actividades creativas e obradoiros que perseguen dunha maneira lúdica chegar ao maior número de nenos e nenas, un programa enfocado a fomentar o hábito da lectura.
Por segundo ano consecutivo, e despois do éxito acadado o ano pasado a pesares da situación sanitaria, as actividades de dinamización á lectura dan un salto ás diferentes parroquias que conforman o concello de Salvaterra, e que poden ter máis difícil acceder dun xeito habitual á biblioteca municipal.
As actividades están dirixidas a nenas e nenos maiores de 7 anos, e serán con aforo limitado. Para participar é preciso inscribirse no teléfono 637108343 ou no correo electrónico biblioteca@concellodesalvaterra.org.
Actividades
- Venres 24/09/2021
- Actividade de animación O museo científico por Xesús Fernández.
- Lugar: Biblioteca Municipal de Salvaterra de Miño.
- Venres 01/10/2021
- Actividade de robótica educativa. Creatividade inspiradora, impartido por A Nube Animación.
- Lugar: Centro Cultural Xerme de Cabreira.
- Venres 08/10/2021
- Actividade de animación á lectura Desenvolvemento da creatividade a través do debuxo impartido por Yago García.
- Lugar: Casa de Cultura de Leirado.
- Venres 15/10/2021.
- Obradoiro de animación á lectura “A arte de ler. Bolsas de mochila” impartido polo GRUPO O FAIADO DE NIN.
- Lugar: Casa de Cultura de Meder.
- Venres 22/10/2021
- Actividade de animación á lectura Atrapados con Harry Potter impartido por David Ballesteros.
- Lugar: Casa do Mestre en Arantei.
