14.7 C
Pontevedra
Domingo, 5 de Febreiro de 2023
Máis
    HomeO CondadoPonteareasPonteareas instala vinilos para protexer as obras do museo municipal da luz...

    Ponteareas instala vinilos para protexer as obras do museo municipal da luz solar

    O Museo municipal de Ponteareas protéxese da luz solar. O Concello vén de instalar unha serie de vinilos nas cristaleiras que, ademais de ter un efecto estético e identificativo das propias instalacións, permite protexer as obras que acolle o museo dos raios ultravioletas e favorecendo unha mellor conservación de cada unha das pezas.

    “Dende o Concello continuamos traballando na mellora das nosas instalacións para que a veciñanza goce dos nosos bens culturais. Con estes vinilos redúcese a entrada dos raios solares, o que evita o deterioro que esta luz produce cando incide directamente sobre un cadro, papel, fotografías, mobiliario… evitando a decoloración e a degradación das pezas”, salienta o concelleiro de Cultura, Fernando Groba.

    No Museo municipal ponteareán a veciñanza pode observar elementos e obras relacionadas coa vila de diferentes épocas históricas. Así, as instalacións acollen numerosos materiais do Paleolítico atopados na Freixa, na Moscadeira, na Pedra da Auga…, deixando á vista do público unha ampla mostra de elementos deste período como bifaces, cantos tallados ou raspadores. Un elemento importante do museo confórmao o petróglifo xeométrico no que aparecen círculos unidos por diferentes liñas.

    Da Idade do Bronce destaca un machado de tope, dous aneis e un molde de fundición do Monte das Carballas, na parroquia de Guillade. Tamén está moi ben representada no Museo a cultura castexa, con elementos procedentes do Castro de Troña, Lourido ou O Couto de Altamira, en Taboexa.

    Pola súa banda, da Idade Media destacan tres pías bautismais, unha delas considerada un exemplares mellor conservados de Galicia, de estilo románico. Da época contemporánea, o Museo acolle vitrinas e cadors que reflicten a importancia de numerosos persoeiros nados en Ponteareas e que destacaron en diversos eidos, como a política, a cultura ou a literatura, como Amado Garra Castellanzuelo, Gabino Bugallal, Manuel Domínguez Benavides, Fermín Bouza Brey, Alfredo Pedro Guisado, Emilia Estévez Villaverde, Rogelio Lorenzo, Silverio Rivas, Alfonso Quinteiro, Antonio Medal ou Alfonso Pexegueiro, entre outros e outras.

    O concelleiro de Cultura anima a todas e todos os ponteareáns a visitar estas instalacións municipais que lles permitirán relizar un incrible percorrido por parte da historia da vila.

    COLABORACIÓNS

    Antía Otero, «Barroco»

    É posible que todo viñese suxerido polo título do novo poemario de Antía Otero, «Barroco», pero ao mergullarme nas súas páxinas vivín a sensación de pasear por unha galería de arte na que cada un dos poemas era, en realidade, un cadro ou unha peza escultórica que a autora describía con detalle.

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    78 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS