16.6 C
Pontevedra
Venres, 14 de Xuño de 2024
Máis
    HomeO CondadoPonteareasPonteareas humanizará o entorno da Praza de Abastos e Auditorio

    Ponteareas humanizará o entorno da Praza de Abastos e Auditorio

    O alcalde de Ponteareas, Xosé Represas e a tenente de alcalde, Chus Garrote, presentaron o estudo previo de humanización do espazo comprendido entre a Praza de Abastos e o Auditorio Municipal, na Rúa Fernández Vega. A reforma proxectada prevé a creación dunha plataforma única entre os dous edificios, como se dunha praza se tratara, mantendo os dous carrís para a circulación de vehículos. Estes deberán subir á plataforma e circular a tan só 20 km/h, garantindo así a seguridade dos peóns.

    Segundo o Concello de Ponteareas, o obxectivo da actuación é converter esa zona comercial con grande movemento de persoas “nun amplo espazo peonil, con mobiliario urbano como bancos, nova iluminación e arborado de certo porte”. Ao mesmo tempo, Xosé Represas sinala que “a reforma potenciará máis o comercio local da zona e o Mercado Municipal ao converter o seu entorno nun lugar atractivo, agradábel e seguro”.

    Na vindeira semana distribuirase información entre o vecindario da zona que tamén se porá a disposición de toda a poboación na web municipal, no espazo «Ponteareas o teu fogar». Para achegar suxestións, propostas e ideas a veciñanza poderá facelo a través da web do concello ou participando na reunión aberta que se celebrará na segunda semana de marzo. Unha vez recollidas as ideas e propostas veciñais redactarase o proxecto definitivo, licitarase e executarase a obra con cargo aos fondos FEDER da Unión Europea que será unha realidade antes de rematar o ano 2019.

    Xosé Represas explicou que “estamos actuando de forma seria e decidida para superar o desastre urbanístico que sofreu Pontareas e transformar completamente a vila para convertela nun lugar pensado para as persoas”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.